Rungcin Zingbiak

 

Bawipa, ka thlacamnak cu zihmui bangin
ka cohlanpiak law ka kut ka hlermi cu
zanlei raithawinak sa bangin ka cohlanpiak ko.

Salm 141: 2

Bawipa cu thangṭhat u!
Pathian cu a biakinn chungah khan thangṭhat u;
a ṭhawnnak cu vancung ah khin thangṭhat u!
Thil lianngan a tuahmi ruangah amah cu thangṭhat u!
A sang bik a lianhngannak cu thangṭhat u!

Salm 150

Hawile hna, Rungcin Zingbiak kan tuah ṭhan. Pathian a tthat ruang ah a si i, cu a tthat dongh lo langhter nak zong ah a si. Kan nunnak ah hin Pathian kan ruah khawh lo chel hi a tam kho tuk tawn i achelchel te ah cun lung von ifim i Sertu Pathian von hlam caan ser hrimhrim a hau.

Aziah dah mah hi kan tuah pah ṭheu ti ah cun, Laimi hi vawlei khuaza ah kan um cang i, acheu cu hawi sin ipawl kho lo in mah lawng a um mi aa si. Mah bantuk i pumh nak a ngei lo mi ca tal ah tlawmpal tal Pathian bia le hla an tem deuh nak a si phum ah san a tlai lai tiah a si. Hawi sin i aa pum mi ca tu ah cun mah Rungcin Zingbiak irinh i biakin panh lo ding pangpang a si lai lo; i a si sual ah cun kan tinh ralkah a si lai. Mah lawng zan khua hnu le hawi thawh hlan ti bantuk i kau awk tu a si lai.

Tutan Rungcin Zingbiak zong oidang tawn bang, bia le hla le Baibal caang tete le zuk zohdawh tlawmpal a si ko lai. Ka lung thawh chel kan ti hnga maw, Thlarau i a ka fial chel kan ti hnga dek, mah i ka namchan tawn mi a si ca ah zeizat ka kawlsua manh lo. Hla ngaih pah in ca rel pah si seh tiah hla le bia ichang nawn lengmang in kan chiah.

Mah maivan hmai hi caan ngeih hnathian lio te i zoh ding ah ka'n sawm hna. Pumpak thlacam nak von hmang ta u.

Thil ṭhalo tuah duhnak ka ngeih sual nakhnga lo le
miṭhalo hna thil ṭhalo tuahnak ah kaa tel ve nakhnga lo,
ka lungthin hi nangmah nih kham ko.

Salm 141:4

 

 


Na Baibal a buar maw?


Baibal Caang Thiim Rel Usi

Filipi 4:8,9: A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: ataktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u. 9Keimah sinin nan hngalhmi le nan hmuhmi kha tuah i zuam hna u, ka chimmi nan theihmi si hna seh, ka tuahmi nan hmuhmi si hna seh, tuah i zuam hna u. Daihnak a kan petu Pathian nih cun an umpi hna lai.


Kolos 3:1-4: Nannih cu Khrih sinah nunnak ah thawh nan si cang. Cucaah Pathian orhlei kam i Khrih nih a bawi ṭhutdan cung i a ṭhutnak vancung khua chung i a ummi thil tu kha nan lung in i seh chih hna u. *3:1: Slm 110:1 2Hi vawlei cung thil hi si loin khika thil tu kha ruat hna u. 3Zeicahtiah nan thi cang i nan nunnak cu Khrih he Pathian chungah aa thup. 4Nan nunnak taktak cu Khrih kha a si i amah cu a langh tikah nannih zong amah sinah cun nan lang ve lai i a sunparnak cu nan i hrawm lai.

 

1 Piter 5:8-10: Lungfim tein um u, ralring tein um u! Nan ral Khuachia cu, seh awk kawl ah, chiandeih bangin a vak cuahmah ko. 9Nan zumhnak ah khan fek tein um u law amah cu rak doh u, zeicahtiah vawleicung khuazakip i a ummi zumhnak lei in nan unau a simi hna kha, cu bantuk temhnak cu an ing ve ti kha nan hngalh. 10Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

 

Hebru 4:14-16: Cucaah kan zumhnak hi fek tein i tlaih ko u sih. Pathian umnak hrimhrim ah a hung lutmi Tlangbawi Ngan kan ngei i amah cu Pathian Fapa Jesuh kha a si. 15Kan Tlangbawi Ngan hi kan santlaih lonak ah kan cung i zaangfahnak a ngei kho lomi tlangbawi a si lo. Kan Tlangbawi Ngan hi kanmah bantuk tein tukforhnak a ing vemi a si, sihmanhsehlaw sualnak zeihmanh a tuah lomi a si. 16Cucaah cun ralṭhat in hmaiah fong u sih law, vel a umnak Pathian bawiṭhutdan cu fuh u sih. Khika ah kan herh lio caan te ah Pathian zaangfahnak le vel cu kan hmuh lai.

Salm 37:3-5: Bawipa cu i bochan u law ṭhatnak kha tuah u; ram chungah hin um u law him tein khuasa u. Bawipa kha i bochan u law nan lungthli tum kha an pek hna lai. Na nunnak kha Bawipa pe tuah, amah kha i bochan law amah nih an bawmh lai.

 

James 1:5-6: Fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna. 6Asinain thla nan cam tikah lung awṭawm lo tein nan zumh hrimhrim lai. Lung awṭawm in a ummi cu thlichia nih a choihmi rili tilet bantuk a si.

 

Salm 71:14: Nangmah cungah ka ruahchannak vialte cu ka chiah dih ko lai, nangmah cu kan thangṭhat chin lengmang lai.

Filipi 4:4-17: Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai. Mi vialte sinah nemnak tein va um u. Bawipa cu tuan ah a ra lai. 6Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u. 7Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu him tein a chiah lai.

 

Exodus 14:13-14: Moses nih cun mi zapi cu a leh hna i, “Nan thinphang hlah u! Fek tein dir u law nanmah khamh awkah Bawipa nih zeidah nihin ah a tuah lai kha zoh tuah u: cu a tuah laimi cu hihi a si lai, nihin i nan hmuhmi Izipt mi hna hi zeitikhmanh ah nan hmu ṭhan ti hna lai lo. 14 Bawipa nih nan ral cu an dohpiak hna lai, nannih cu zeihmanh nan tuah a herh lai lo,” a ti. 

 

 

 

Sermons

Tutan hi sermon pa hnih kan ngei. Video pa khat le rel awk pa khat. Video cu Vimeo ta a si.
Kawlram in Vimeo zoh a ngah lo sual ah tiah cabia sermon kan taar cu a si pah.

 

Sermon 1

Atu tan kan ihrawm ding mi cu Rev. Tha Nei Fai sermon, BCI i a chim mi a si.
Rev. Hre Mang nih web ah a chiah i kan hei chuah ko, nawl hal a hau lai lo tiah.

 

 

Phungchim nan ngaih dih ah hla ngai ta u.


Hniarlawn

 

Sermon 2

Sermon thar ka kawl manh ti lo i keimah sermon ṭhing ka taar. Chin Internet Ministry nih 2008 kum ah khan an rak ka thiah i mah i cu a si. Keimah hmanh nih ka chim mi ka philh pah cang i a thei cia hmanh nih nan philh cio cang ṭheu lai tiah athar in ka taar ko. A sau pah. Scroll bar tholh nan zuam lo le hika hi click u.


Ready for the master?

Atang i pangpar hi a um taktak mi a si an ti, Thailand ram ah.
Zoh u law va (vanzuang) a lawh ning hi! Sertu um lo ngaite cun amahte mahti hin a um hnga dekmaw.
Pathian sunpar nak cu thil lianngan cung zong ah aa hngal i, thil hmete cung zong ah a lang.

Cucaah zeicahdah hnipuan kong ah nan lungre a theih? Ramlak i a khomi lili pangpar khi zoh tuah hna ngat u: rian an ṭuan lo, hnipuan zong zeihmanh an i tah lo. 29Sihmanhsehlaw hihi kan chimh hna: Siangpahrang Solomon hmanh kha, kha tluk khan a rum ko nain hi pangpar hna lak i pakhat tluk hmanh hin aa dawhmi hnipuan a ngei lo.

Mt 6: 28, 29

 ♫ Vailam Cung In ♫

 

Pathian thlarau nan thinlung chung ah chum bang izeel ko seh.

Mangṭha u.

http://robawm.com

2010/6/26