Rungcin Zingbiak

Nan ka kawl lai, i nan ka hmuh lai;
Nan thinlung dihlak i nan ka kawl tik ah.

Jeremiah 29: 12

 

LUNGRETHEIH LIO KRIFA

 

leaf

Nunchung lam chukcho kan ttumkai pah hin Bawipa rian ttuan lengmang usi law an kan ti tawn i, mah ca ah si seh, hawi sin aa pum kho lo mi hna ca ah si seh, apelte tal a tthahnem hnga maw tiah mah kan ser hi a si. Zei ual kan chuahpi kho lai lo; a Baibal caang tete tu hi lungpek in rak rel u law nan thinlung i a um ning in thla rak icam cio te ko u.
....Jacob tikhor tlang i bia an iruah nak ah Bawi Zisuh nih minu sin ah a chim i, "Hi tlang theng le Jerusalem theng ah si lo in mi nih Pathian an biak caan a ra lio" e a ti. Mah cu a phaan cang. Nan innkhaan cio zong kha biakin ah ser khawh, a si cang.

 

http://www.duncraft.com/static/images/scarlettanagerfortips-wp.jpg

 

Mifir cu fir le thah le hrawh lawngah an ra; kei cu nunnak an hmuh nakhnga le duhdim in an nun khawh nakhnga caah ka ra. Keimah cu tuukhal ttha ka si. Tuukhal ttha nih cun a tuu caah a lu a hloh. Hlan chom mi le tuukhal a si lomi, tuu zong amah ta a si lomi nih cun cenghngia a rat a hmuh tikah a kaltak hna i a zam; cenghngia nih tuu a seh tawn hna i a tthentthek dih hna. Hlanchommi a si caah tuu zawnruahnak a ngei lo i a zamtak hna. Kei cu tuukhal ttha ka si, ka ta cu ka hngalh hna i ka ta nih cun an ka hngalh ve. --Johan 10:10-14

25 "Atu cu a thluamthlam lawngin kan chimh hna; a thluamthlam si loin hlangfang tein Pa kong kan chimhnak hna caan a phan lai. 26 Cu ni ahcun keimah min in nan hal lai; Pa sinah nan caah kan halpiak hna lai kan ti hna lo; 27 zeitin tiah Pa amah hrimhrim nih an dawt ko hna, keimah kha nan ka dawt i Pa sinin a ra ti kha nan ka zumh caah a si. 28 Pa sinin ka ra i hi vawlei cung ah hin ka rung; vawlei hi ka kal tak lai i Pa sinah ka kal :than lai," a ti. --Johan 16:25-28

 

bphoih

(Ka pa,) Na bia ka thanh cang hna; keimah zong vawlei ta ka si lo bantukin annih zong vawlei ta an si lo caah vawlei nih a huat hna. Vawlei cung hin la ko hna tiah thla ka cam lo; sihmanhsehlaw :that lo nakin na huhphenh hna awk caah thla ka cam. Keimah zong vawlei ta ka si lo bantukin vawlei ta an si lo.--Johan 17:14-16

khuai

Jesuh nih an :thawl ti kha a theih i a va hmuh tikah, "Mi Fapa cu na zum maw?" a ti. 36 Anih nih, "Saya, amah cu ka zumh khawh nakhnga amah cu aho dah a si?" tiah a leh. 37 Jesuh nih, "Amah cu na hmuh cang i nangmah sinah bia a chimmi hi a si," a ti. 38 "Bawipa, ka zumh," a ti i a biak. 39 Jesuh nih, "Vawlei cung ah hin a hmu lomi nih an hmuh nakhnga le a hmumi nih an mit a cawt nakhnga, biacaih awkah ka ra," a ti. 40 A pawng i a ummi Farasi acheu nih Cu cu an theih i, "Kanmah zong maw mitcaw kan si?" tiah an hal. 41 Jesuh nih, "Nan mitcaw sehlaw sualnak nan ngei hnga lo; sihmanhsehlaw atu ah 'Kan hmuh' nan ti caah nan sualnak cu a hmun ko," a ti hna.

 

vine

jn1427

 

 

Sermon 0

Thil 7 Pathian i Hngalhter A'n Duh Mi, Virus Zawt Luar Lio Ah

 

 

Sermon 1

bar1

KAN THLACAM KAN VENG MAW?


Vawlei nakin van a san deuh bantuk in ka ruahnak cu nan ruahnak nakin a sang deuh.
--Isaiah 55:9

<><

Krifami nih hin Pathian i kan thlacam a kan leh kan hngal kho tawn lo. A ngiat zia kan thiam lo zong a si i, kan ngiat hrimhrim lo bia zong a si tawn—rap chiah i ven ṭung lo bantuk. ‘Khati i thla ka cam mi kha a ka leh maw leh lo dah kha, zeitin dah a ka leh kha’ ti i kan ngiat ṭhan ṭung lo ah cun Pathian zumhtlak sinak cu kan hmu kho tuk lai lo. Pathian i kan thlacam a kan leh ning hi aphunphun in a si e an ti. Tlawmpal ka chim lai.

1. ‘IAI’ A KAN TI CHEL

Lungthin taktak te i thla kan cam ah hin Pathian nih zeirello in a um lo. Voi a tam cu, “iai” a kan ti ko. Zumtu hna nunchung cio ah hin Pathian i kan thlacam a kan cohlanpiak le kan duhning i a tlinter hi a tam ko, vawlei khuaza ah. Napoleon ralkap i Moscow an rak kulh dih lio ah, czar siangpahrang cu an ram a ruah ah a thinlung a kek hnek. St. Petersburg i biakin pa khat ah a tli i ṭuang hnam in thla a cam. Pathian a bia tuk mi zong a si lo nain a thlacam cu Pathian nih a leh i khuasik zualhma a tlunter. Mah a thlacam te nih cun an ram cu a khamh. 1986 Filipin ah ram ralkap le Ferdinan Marcos ralkap cu idoh an hau cang. Marcos ralkap cu vanlawng in an ra thluahmah. Ke ralkap nih cun an cuanh ko hna. An kan kah ah cun hlok lengmang le choi lengmang in an kan kah ko lai ti an hngalh. An ti khawh mi zei te a um lo; tlawm nih an tlawm, za riat lawng an si. An ralbawi Gen. Isleta nih vansan in a ralkap cu a pumh hna i Salm 91 an rel i vawlei ah kun in thla cu an cam. Ral vanlawng cu an ra thluahmah ko; nain an thinlung cu Pathian nih a thlen dih cang hna. An ral cu kah lo in an ṭum i ikah lo in acaih in kan icaih lai e an ti hna, ruahlopi’n. “Bloodless Revolution” an ti. Kawlram ah Maj. Van Thio te ralkapbu cu mitchinh tluk khuamui ah ral nih an rak bawh hna i ral kuan cu ruah bang a sur. Maj. Van Thio cu chimpih in Pathian a au. “Pathian na um taktak ah cun ka khamh” a ti (amah nih a kan chimh). Ral kuan rialruah lak ah cun a him. Chim awk a tam rih. Pathian i kan thlacam a kan leh colh nak tuanbia hi chim cawk ding  a si lo.

2. ‘AIH’ A KAN TI CHEL

Na duh mi cu Pathian hal law a’n pek ko lai e an kan ti tawn. A hmaan theng lo. A kan pek lo caan a tor. Hal leen zong ah aduh te a duh lo, oi tampi cu. Rian ṭha kan hal ah, ‘Mah kampani khi a pioh tuan ding a si ai e. Atu na rian te hi ṭuan rih ko law, TB ngei pawng zong ah na dir lo e’ a kan ti. An miduh co khawh nak an hal ah, ‘Mah hna chung khi cu khensar ngei chung an si i, nang nih cun na hraam kho lai lo i na thihter awk lai e, ngakṭah in a’n chiahtak awk hna lai e, ngunkung valpa a orh khi a ṭha deuh e’ a ti hna. Hngalh lo in, Santlailo vaal… tiah zuun hla an phuah hna, ahmatṭayah ah. Micheu nih khuachung ah cumpi tlangrai a um lo nakhnga thla an cam tawn. Pathian nih zeite ah a rel lo. Tlangrai nih nan pum chung zawtnak do tu ralkap a ṭhangh hna i pei maw zawtnak dang nih a’n tei hna lo cu e, nanmah nih zei dah maw nan hngalh e a ti hna. Ka veel hi nan ca ah a za ko e a kan ti. "Your thoughts are not my thoughts, nor my ways are your ways" a kan ti rih (Is 55:8). Kan hal i a kan pek lo mi a um ah cun lunghrin ding a si.

jer29

3. ‘HNGAK RIH KUN’ A KAN TI CHEL

Pathian nih hin a kan pek ding mi thluachuah dongco kho ding in a kan sersiam hmasa lengmang. Minung thilti he aa dang tawn. Hitler i Zudah mi 6 millions a rak thah hna ah hin a ralbawipa Eichmann hi thah awder a chuah tu bik cu a si rua. Ahnu ah Mossad nih an suat i Argentina ah an va tlaih. Bia an hal i, “Ka kum a no tuk lio ah Hitler nih nawlngeihnak sang tuk a rak ka pek eh” a ti. Pathian thilti cu mahti cun a si lo. Abraham Lincoln kha President aa cuh ah zeitluk in dah thla a cam ti cu chimporh awk hmanh a ṭha hnga lo. Pathian nih President sinak cu a pek ko nain a pe colh lo; a hngahter. A nupi kha mi chiakha tuk a si i mah sin ah cun lungsau a cawnter. Fimnak zong a chap i a sersiam hmasa hnu ah president cu a chuahter, oi 9-nak ah. Vawleicung mi ah lungsau ah roling bik a si. Aa cuhka ah khan rak hmu colh seh law mahtluktluk zong khan a lung a sau in ro a ling men hnga lo. Cun president a ṭuan hnu hmanh ah aa capo tuk rih si kaw, a no lio deuh chinchin ah cun capo rumro a rian hnga i upat awk zong ah an rel men hnga lo. Pathian nih a hngahter bak ko. Mama Newton hi fapa sual aa hrin mi a si. A fapa Pathian a theih nakhnga thla a cam tawn. Hmanhseh, a tling colh lo. Kum tam a rau. Mah hnu ah cun a lung aa thleng i Amazing Grace hla zong khi a phan. David nih Pathian biakinpi a hal. Pathian hna a tla ko. Sihmanhseh amah chan ah a pe lo; Solomon chan ah a pek.

4. ‘PHUN DANG DEUH IN’ A KAN PEK CHEL

Capo ah an chim i, pakhatpa cu a ke aa chuih i sibawi sin ah si a hal ti a si. Sibawi nih cun mit si a rak pek. ‘Ziah, mit si cu’ tiah khuaruahhar in a hal i, sibawi nih cun, “Na mit a ṭhat lo ca’h pei khua na hmu lo i na ke cu naa chuih cu” a rak ti an ti. Pathian zong nih hin kan hal bak mi pek lo in kan ruah lo pi a kan pek tawn ve. ‘Bawipa aw, lungsau ka pe law’ kan ti. Aa chimthiam tuk mi  le siikaan ngeilo a kan pek ah le lungsau cinh nak i hman lo in kan phunzai ṭung. Dawtnak ka tlacham rua e, Bawipa aw, dawtnak ka chap law kan ti. Dawt tong lo mi-zonzai tete a kan pek ah le an kan hnorsuan lai ti rumro kan phang. Fimnak kan hal. Fimnak cu cauk ah pei a um cu tiah cauk ṭha ṭha a kan pek. Rel kan zuam ṭung lo. Toidornak kan hal. Na hei duh thlak ah tiah mi mawṭaw zulh hau in a kan chiah. Kan celh taktak ṭung lo. Kanmah duh ah cun thinfual kan hal ah khin zan kan ihkar ah kan pe seh law a thaizing ah cun kan thin fual taktak seh ti kan duh. Mahti cun Pathian nih rian a ṭuan lo. Kanmah tuahser nak zong a kan hauh ve.
....Tuanbia ah pafarual khua an sa. An pa nih a thih lai ah ro a vuih hna: kan theipi kung hram ah ngun tangka ka phum e tiah. An pa thih hnu ah cun an unau an ibawm i theipi kung hram cu heh tiah an cawh. Tangka kuang an hmu lo. Ahram in an cuat ṭhan. An hmu hlei lo. Lungdongh in an ngol. Anih, an cuat nak cu leivawr ah a cang, a hram hlun an pheh mi in hram thar an corh i ti le non an dawp. Theipi cu a hninghno. A tlai ciammam i lawh cawk lo le zuar cawk lo. Tangka cu nga bang a fuan. Mifimpa tangka phum ning cu ahnu ceo ah an hngalh khawh. Pathian i thluachuah a kan ṭhumhthlak tik zong ah hin mah bantuk cun a si tawn ve.  “Van cu vawlei nak i a saan deuh bang in ka khuaruahning cu nan khuaruahning nakin a sang deuh” a ti.

5. A KAN PEK CIA KAN HMUH LO CHEL

Kawl nih, “Khua pawng ram caw nih ttam hlah” an ti i kan hram i thluachuah a ra cia ah hin kan lung a hmun tawn lo. Athar kan or zungzal. Dawtu tete kan pawng i an um ko zong ah misingpi nih khin kan daw hna seh law kan duh rih. Thiang Thlarau laksawng kan co mi ilungsi lo in mi kut cung savo kan thlir. Tu kawng aa hreng cia zoh lo i Abraham i naam aa thlir bantuk kha kan si tawn. A kan pek cia zoh lo in cam thlorh in thla kan cam.

<><

Krifa mi nih zumhnak he thla kan cam tik ah Pathian nih a kan leh lai ti zumh lawng in a za lo. A kan leh ning ngiat hrimhrim a hau. Mirang nih “Seing is believing” an ti i hmuh ah hin zumh a si. Pathian i kan thlacam a kan leh nak kan ngiat i kan hmuh ah cun Pathian zumhtlak sinak cu zumh lo awk a ṭha ti lo. Mah cu pei kan thazang cu a si cu! Mah a zum mi le Pathian thluachuah rel a thiam mi si cio ko hna usi. --Ceu Hlun

 

bar1

 

 

 

http://images.fineartamerica.com/images-medium-large-5/spring-yellow-daffodils-elena-elisseeva.jpg

 

Sermon 2

30:55 in phungchim taktak cu aa thok

 

Baibal Nihin Rel Awk

 

vne

Salm 23 Hla

 

philhinleiram

Baibal bia an ittial nak hmanthlak hi download hna u law nan Facebook friends kua hna u.

 

March 28, 2014 ah hin Noah muvi a chuak lai.

A trailer zoh chung u, hika ah.

cinte

Dam in.