2016

CHIN NATIONAL DAY

FEBRUARY 20

INDIANAPOLIS, U.S.A.

Lai Phunpi Ni a voi zeizatnak e, a kum zeizatnak e, ti zong kan ti lo.
American miau in maw kan um zeidek.

National Day a ngei mi hi Laimi lawng kan si rua ka ti.

Mah vapual pa hnih hi an ihnam hnek maw, an icu hnek hnga dah?

Indianapolis i Lai Phunpi Ni kan tuah vialte ah atutan hi mi kan tam bik e an ti. Nuamh zong a nuam bik e an ti.

Conveners Ceu Hlun le N. Mang Lian

Tukum cu kan sponsor an siang i tangka zong kan iza cikcek.

Tthutdan laak chap a hau e tiah an ra ka chimh i, "tthut lo in vaak ko hna seh, puai cu tthut thengtheng a hau lo" e ka ti hna.

Pu Ca Hmung, Lai Ram in a ka kir i vaahla thlorh kan fial colh. Ciammam in a kan timhpiak.

Announcers pa hnih le program manager.

Kan ram le kan miphun ca i nunnak a pe mi hi kan philh hna lo.

Thlacam cu Mizo holh i an cam ko ah ka di a riam.

"Khahlan kan pipu hna cu, Lai Ram an dawt ruang ah maw,
Phaw le naam le fei put in, ral do tawn hna maw"

Ruakhatlak a thiam mi hi, Filipin, Malay, Hmong, Karen, Thai, le kanmah miphun.

Slideshow in Lai Phunpi Ni a thawhkehning le a sullam kan langhter. Hika hi click in zohkhawh a si.

Hawihnu bik nu hi Blessing a si. A nu hi "Midawh San San" ti i a min a rak thang mi a si. Union Day i Laimi milaam bu Rangoon i an kal ah hmaisuang lengmang a rak si. Lai phung laam cu a thiam dih hna. Nikum ah khan Conglaizonh a chimh hna i tukum cu Saarlaam a chimh hna. A fanu zong cu laam phun hnih a roh cang. Saarlaam hi a har ngaingai mi a si. A laam thiam lo ah cun paran tum zong thiam lo a si. Atu hi amah nih a tumh hna, pa nih an beipiak i. A cung ah kan ilawm. An hmanthlak dang hika le hika ah zoh chap khawh a si.

Ka orhlei ah hin atang i biachimpa hi a tthu i, ka lungthli in 'mahpa pawng ah tthut ti lo ding' ka ti; a ngan bak.

Congressman Andre Carson a si. Laimi hi a kan hngalh ngaingai i, ram kan ngeih kong, nunphun kan ngeih kong, thuam le ning kan ngeih kong, holh kan ngeih kong, miphun sinak tling a ngei mi kan si kong a chim. Cun cozahpi sin i ai a kan awh aa lungsi kong tehna a ra chim. Kanmah i kawh lo in amahte in a kan rathnawh mi a si.

Phengphehlep Nu-pa te Laam (Pelep laam tinak) a si. Aa dawh kho tuk.

Halkha i Lai Phunpi Ni an tuah nak ah laam phunphun a um hnga maw, Rangoon ah tah?

Salai Kunrirak hlasak hi vaal no rual nih an uar ngaingai. A thiam bak e an ka ti.

Sakah laam. Nutling le patling mah vialte an laam khawh le Tlaisun thuam mah zat an khawmh khawh hi cu kaa lawm taktak. Ka upat tuk hna.

Chanthar Saarlaam bantuk a si. Kan naunu te hi ka zoh lengmang, a hla nih a hno tuk. A hla sullam hngalhlo bu bakte in ka mitthli a ha kho. Art hmual cu mah cu.

Pu Val Thang speech pek lio.

Lai upa an sunghar nawn.

Nu hi Miss CYO 2015 Deborah Zaachi Cung a si.

Lai pa le Lai nu.

Mawipui le Justin Sang Hrin Thang nih costume show vialte hi an khaan dih. Thuam zong an hlaan dih.

Fashion show (ka huat tuk mi) in an tuah lo i, kan thuam aningte in an langhter. Mah cu ka upat. Kum dang ah cun afial in fial an rak si. Tukum cu leng no tampi an ipe i mah chung cun thim an si. A thiam bik scholarship Chin Town Auto Sales nih a pekp hna lai. A thiam bik thim a har ngaingai lai. Kei cu midawh thim lawng ka thiam.

"Atu nonawn tthang thar zuam cio u,
An thlur maanla thiamttial ca tthingttheng"
--Za Nei Sum

Hmaan aa thla mi aho cio poh kan muifang idawh deuh seh law a ttha hnga na'n thanh kan philh, kan ngaithiam u. :)

Puai dih ah kan von laam ta.

Nan kan cercawi ko, ka naule!

Gym lei ah lumsa taktak in nuamhnak phunphun le eidin phunphun a kan tuahpiak tu hna. Kan khemra-men a ttin colh i, gym lei puai hmaan a thla lo. Rawl phunphun, nuamhnak phunphun a um. Mi an khat.

Rang Cung Raldoh ah Tluang Za Uk nih minung 34 a tei hna. Bual a co i $300 a hmu. Tutan mi i a bau mi cu sathluak (nokcuah) a si. Cun tukum cu mahka hmun ah paih aa tuah lo. Ahlan zarh khat ah downtown ah aa tuah cang. Halkha Khuahlun Tin Lian Thawng nih zatlang ah bual a co. Zuamcawh ah Chuncung Rung Lian Ceu nih Khuathar Tial Cung Thang a tei i bual a co. $6,000 a hmu. Hniarlawn an ipai lo. February 20 ni Dallas ah cun Hniarlawn Mang Cung Lian nih zatlang paih ah minung 18 a tei hna i bual a co. Hniarlawn Kap Tawng nih zuamcawh ah a co.

Halkha leng dawh Canada in a kan tlawng i bia an hal. Lai Holh te ta maw na hman e a kan ti.

Nuamhnak aphunphun te fawh kan tuah!

Lai thuam he kan hmanthlak sunghar ah idawh deuh awk kan si na'n. Mah tluk i kan chiat lai i kan hngal lo.

Kha, kan tuah nolh te lai.