Pu Ruang Mang Hniarlawn Tlun Lio

May 1-20, 2015

Ngakchia 2 karlak i a tthu mi hi Kap Hnin pa cu a si, Pu Ruang Mang. Angkisen a dir mi hi Rev. Peng Thang a si. Mawttaw a rak hlan i Mingaladon Airport ah a hon laakpah i Hniarlawn ah a lanhpi colh. Indianapolis in Hniarlawn tiang ah suimilam 50 fai lawng a rau. A nu le a pa, le a naule nih an rak don.

Hniarlawn khua. Biakin chung zawn i a va lang mi khi Rung Tlang a si. Atu hi chim (due south) na zoh.

Har tuk i a nung mi an um lem ti lo e an ti.

An inn le an lo a phaan.

An cin mi hi fongvoi le kalakawhra (aalu) an si bik rua. Na na 18 le rang rang 14 an ngei.

Leithuan laifang i lung bantuk khi ti inn a rak si, kum 60 deng a ti cang lai. Kan pale nih mahka ah khin tidong in ti an ron thlak, mah cun plastic pipe in an laak i biakin caar tikuang ah an thlak. Mah cun tidong in an laak tthan. Khuachung veng i rak um lio a si. Nga tili hi Zing Cung nga khor a rak si. Mah lio ah cun pe hra hmanh a sau lai lo; nain ti a ttha tuk i a rak thuk. Nga nganngan an rak um. Atu cu nga li kaupi a si cang.

Thei.

Mahhna hi an pile hnu a zul tu ding an si cang.

Ruang Man nutar. Aa choklet kho rih.

A tlun hnawhchan cu a nutar le ramriah.

Minung 30 deng nih ram cu an riahpi i amah le a u le a nau nih sakhi khi khat cio an kah. Midang nih sakhi khi khat, ngal ngal khat, ngau ngau thum.

Sakhi khi khat a hong kaap, amah meithal in.

Mah ngalhriang hi Hniarlawn pasator Rev. Ram Thawng nih a kah.

Kei ttial an kah hita.

Atutan ah hin ngal ngal 1, sakhi khi 4, ngau ngau 3, an kah. Nga ngachuksei sei li an tlaih.

Mah hi Lai nunphung.

Lo thlawh le thingphorh cu mah hi. Thing an ttem nak hri khi "khuahhri" ti a si.

Nga khaanhrih Pu Hmun Thio.

Fingrilh.

ICBC krifa upa Pu Thawng Cung Lian. A tlunlio te ah Hniarlawn a kawi Pu Phir Mawng a vong tlawng. Bia zong a chim.

Ka pu thlaanlung

Pu Bil Cung le a nupi he. CNF i an rinhchanh bik pakhat cu Pu Bil Cung hi a rak si. A cawm dih hna. Bawm mi zong a cawm dih hna. CNF i tuah an duh mi confidential rian har poh ah Bil Cung lengmang an fial. Amah i a ti khawh ti lo ah cun Pu Zing Cung a ruaih cang. Pu Bil Cung cu atu hi Thantlang i CNF Center ah Pu Ral Hnin he an chiah hna. Atu hi a nupi he an ra tluntaak lio si dawh a si. Mah hi a tthan nak inn, ka pu inn a si.

Pu Phir Mawng le Pi Ni Tawl.

Siangbawi Johson fale Ruthie le Deki le a nupi Lai Ram ah an tlung. A kiptuh in Hniarlawn ah an kal colh. Sungsa ngaite in an rak don hna.

Ruthie cabia hika ah.

Hniarlawn ah an ngam ngaite e an ti. An rawl zong an duh tuk i oi hnih an ei e an ti.

Hniarlawn Vailam tung.

Paper towel cin in thlaici an fun i Ziploc ah an sanh. Nitlang ah an pho lai. Keuh an zalh in an tuh hna lai.

USA in "pakhatpa" nih thaici phunphun a kuat hna i committee nih an erh.

Thing keuh zong a kuat hna i olive cu biakin kam ah an phun i nubu thlacam dih poh ah ti an toih. Maple cu an phun rih hna lo.

Cozah nih khuate khua nga ah thing an phun hnek e an ti i Hniarlawn vo cu khua dang hoih ko hna usi, Hnilarlawn ah cun kanmah nih kan phun hnek ko tiah rak ti hna u law ka ti hnek nawn hna. Hniarlawn cu ttuan an ser ah cun zei hmanh an itha lo.

Chin-Oo-Si lam kam ah khin inn hmun ka ngei i inn sak lo in ka chiah i cawk an ka hal tuk nak ah ka thin zong a hong dih cang. Hihnu a ka hal rih mi cu taza cuai an hau cang lai. Vawlei cu a tlau bal lai mei tiah daithlang in ka um i mi nih zei le zei dek an rak ichiah i ka ramri zong an ka en leen cang rua.--Ceu Hlun