A phuah tu: Zirsangzela Hnamte
A satu: Lalrindiki Khiangte

Run tin mawitu awih lai darmawi,
I tel lo chuan hringfaleng rel;
A kim thei lo kumtluang chena danglam ngai lo,
Thu dik ttantu huaisenna thuam famkim sinin,
Roreltu dik i lo ni e.

Partlan sirva nungcha zawngte'n,
An iai nem Khuanu mawlsawmna,
Mahse duham chin lem nei lo hringfaleng te'n,
Kan bel tthin che tukchhuakin maw i zarah hian,
Mawi leh zualna beisei chungin.

Hrilin sawi thiam ve mai teh se,
Engtin hril ang maw hringnun hi;
Hun liam tawh hnu thup bo tuma mawina tinreng,
Sawi ang belin Siamtu kutchhuak duhtawk lova,
Bum hmang kan lo chang leh tthin hi.

Mahse nang chu danglam ngai lo,
Thudik ttantu i ni si a,
Khawvel mawina inbumna thil mai mai te hian,
Chatuan an tling zo dawn si lo chawilai darmawi,
Hmuh tir a, fiahtu i ni e.