Hman zan kha, thim dawnah ka mu a, zanah ka muhil thei tawh lova, ka meng tlaivar dawn niin ka hria a, tih tur hriat loah he web page hi ka siam vel mai mai a ni. Eng atan tih pawh a awm lo. Ka siam mai mai. Khawvel ram hrang hrang a Mizo awm te an hlim zawk theih na tur leh, "Khawvel hi ka ning tawh, Tahan-ah ka pem dawn" an tih lo na tur tan te pawh a ni thei ang.
Hlate hi a download chhung a rei loh nan le copyright infringement a awm loh nan, quality chhe deuhvin ka dah hlawm a, ngaihthlak tlak an nih loh chuan in van a duai deuh a ni mai thei. Hla hming click zawhah a download anga reilote chhungah hla lo chhuak tura ngaih a ni, Internet Explorer in hman chuan. Netscape in hmang a nih chuan Plug-in a ngai ang. Hla in play theih loh chuan, in ṭhenawm te lo zawt mai rawh u. Tin hla link ṭhen khat an work rih lo mai thei a, nakinah rawn tlawh leh tur a ni ang.
He web page hi
http://cacc.info a Links section atangin luh theih a ni ang a, tin daduhi.com-ah pawh an link thei ang, an duh chuan. Zai a min awitu Daduhi chawimawina chikhat a ni a, a duh loh zawng kan ti palh a nih hlauh chuan kan hriat ve leh kan ṭhiat vat ang.Ka e-mail
raltiang@yahoo.com a ni. Lai hnam ka ni a, raltiang ram an tih ṭhin, nula mal var pui pui awmna ramah lehkha zirin ka awm. Rilru ṭha tak put tum ṭhin ka ni a, mahse, ka thusawi lai a thingpui an sem chuan ban hmak mai ka chak. In hrethiam em?Anih leh mangṭha mai u. Min rawn tlawh leh dawn nia, ṭhinin.
Khai, ka hming ka ziak theihnghilh daih!
[Home]