Maywood sak mi 'Mother, How Are You Today' ti hla a si.

Ragoon University i M.Sc final ka kai lio ah a si: hlaphel kaa hlaan i ka ule inn ah
ka va ngai lai ka ti. Lampi ah ui pifarual ka hmuh hna. An nu hnuk an icuh.
An nu cu a der taktak. Asina'n a hnuk cu a dinh ko hna. Ka ngaih te an rak chia.
Mah cun, nitlak deng mah hlaphel cu ka rak ngai i ka ngaih a rak chia ngaite.
Mah tlawmpal ah cun thirhri ca a ra phaan. "Na nu a thi" ti a si. Ni 18 a rau cang.
Ka hong tlung i a thlaan ah ka hong ttap. Kan inn cu khua rop bantuk.
Ka kutchuak tem manh deuh lo in a rak ka tlei taak.

"Thlanglei vairang an ser thirhri in
A liam riangmang cang ti ka theih,
Hnemtu lo in na fa hniang cu,
Ka hraam riangmang, Kawlram rawn ah e."