Pale Ni

Pale Ni hi pale cung i kan ilawmh langhter nak ca i ser mi a si. America ah hin nu le pa upat u ti nunphung rak ngei hna hlah kaw, upat an hauh an hon hngalh tthan tung tik ah, upat ni ituah seh an ti khi a si. Laimi cu nu le pa upat a ngei cia mi le nu le pa a upat zungzal mi kan si ko ca ah Pale Ni va tuah tehna zong hi a hau mi a si lo nain, mi nawl icawn in kan tuah ve tawn hi a si. Ataktak ah cun Nule Ni le Pale Ni tuah hi Baibal i a kan fial mi zong a si lo. Asinain pale dawtnak ruah taktak chel a um cu a hau.

 Siangpahrang [David] nih cun Cushpa cu, "Tlangvalpa Absalom cu a him maw?" tiah a hal. Cushpa nih cun, "Ka bawi siangpahrang i a ral le amah doh i a tho mi cu mahpa bantuk kha si ko hna seh" a ti. Siangpahrangpa cu a lung a suk tuk. Kotka cung khaandal ah a hung kai i a hung ttap. A kalpah cun, "Maw ka fapa Absalom! Ka fapa, ka fapa Absalom! Aziah he nangmah ai ah keimah tu ka rak thih lo--Maw Absalom, ka fapa, ka fapa!" a ti. ...a hmai khuh i, "Maw ka fapa Absalom! Maw Absalom, ka fapa, ka fapa!" tiah a au ruangmang. [2 Sam 19]

 

 
What Is A Dad?

 A Dad is a person
who is loving and kind,

 And often he knows
      what you have on your mind.
 He's someone who listens,
      suggests, and defends ~
 A dad can be one
      of your very best friends!
 He's proud of your triumphs,
      but when things go wrong,
 A dad can be patient
      and helpful and strong
 In all that you do,
      a dad's love plays a part ~
 There's always a place for him
      deep in your heart ~
 And each year that passes,
      you're even more glad,
 More grateful and proud
      just to call him your dad!
 Thank you, Dad...
      for listening and caring,
 for giving and sharing,
      but, especially, for just being you!


A le PA

Ceu Hlun

Nu hi kum 12 an ti tiang cu an nule thlumhhnarh nak an iza ko nain, kum 13 an ti ri khin cun an pale i kilhkamh hi an herh hrimhrim an ti. Pa an herh bik caan zong kum 13-19 an ti kar khi a si i, mah lio caan i kilhkamh tu pa a ngei lo mi cu zei khi dek an hlam i an lung a der ziar i hawi sin ah an ral a ha kho deuh lo ti a si. Opposite gender i kilhkamh cu an herh hrimhrim ca ah pa a ngei lo mi an si ah cun ale tal nih kilhkamh a hau.

Tuanlio Lai nunning hawihna ah cun, nu hi humzual tu a le pa a ngei lo mi cu rak zohchuk deuh a rak si ca ah, kilhkamh tu a le pa ngeih lo bu i va ngeih cu tawlawng mi hmai chuah tluk ah rel a rak si. Cu ruang ah, a le pa a ngei lo mi nih cun a le pa itlaih a si. Atu zong ah kilhkamh tu a le pa a ngei lo mi cu mi i rak zohning aa dang deuh ko. Mah tluk cun a le pa hi nu ca’h an biapi. Cuca ah far a ngei mi pohpoh nih cun farle kilhkamh le humzual hi rian ah iruah a hau. Mah cu an pale rian an chawn khawh hna nak zawn zawn khat a si.

Atu belte ah cun nu hi education nih a cawithlir tuk cang hna i, pa tluk in an cawl kho cang. Acheu cu pa ka herh lo ti tluk hmanh in an iruat. Cuca ah pa tang i idor zong a tlawm deuh i, a le pa mithmai zong zoh lo, an bia zong zei i rel lo, le mah nawl khuasak zong a tam chin lengmang. Acheu nih ṭhat an ton caan i a chuahpi tu hna zoh in an hna a ngam i, dawtu le kilhkamhtu tampi ka ngei ko ti in mah thisakhat taktak zong an hlam set hna lo. Mah zalonnak in khua an sa.

Sihmanhsehlaw, nunphung leng ah kan chuak kho taktak lo. Kanmah ruahning lawng zoh lo in mi i an rak kan hmuhning zong zoh ve a hau. Lai nunphung ah a le pa cu chimkeem an si. An rianphorh zong aa iang. Bochanning zong aa khat. Cuca ah Laimi kan si chung ah cun ni-far humzual le a le pa thlazah hi ngol awk a ha lo. Mah lung rinh in ngol ko hmanh usi law, nifar a kilkhamh lo mi le a-pa a ihzah lo mi cu mizin phung i a eem lo mi (uncivilized) ah rak hmuh a si kho ko. Kan si a hat chung ah cun zei a va poi tuk lo nain, nun thlichia a hraan chel ah cun a le far ihlam lo taktak awk a ha lo. Ihramh lo ah cun mi zei ah rak rel an si lo. Har a tong mi nifarle zohsawh ko cu patling si lo a langh nak a si. Pale rian chaan khawh lo a langh nak a si. Nu zong tale mithmai zoh lo cu ‘ka zei langh ah poi hlah’ ti bantuk a si. Chiat hat kan ton taktak ah a le pa lo in kan si kho lo ti hi ruah a hau. ale upat hi pale upat bantuk a si ve. §


Quotes On Fathers
Quotes About Fathers

'Ka tho lai i ka pa sin ah ka kal lai i, "Ka pa, Pathian sin le na sin ah ka sual cang. Na fa ti awk ka tlak ti lo; man phalh i na chiah mi na sal pa khat bantuk in ka chia ve ko" tiah ka ti lai' a ti. Cun a tho i a pa sin ah cun a kir. Inn in lam hlaatpi a phanh rih lio ah khin a pa nih cun a hei hmuh i, a zaang a faak ngaingai i, a hei tlikhnawh i, a fapa cu a kuh i a hnamh. [Luka 15:18-20]

Pale Ni i kan sunhlawih bik ding cu kan pa Pathian a si.

cacc.info