Welcome Back to Robawm!

Sing to me, Autumn, with the rustle of your leaves. 
Breathe on me your spicy scents that flow within your breeze.

Dance with me, Autumn, your waltz that bends the boughs of trees. 
Now tell me all the secrets you've whispered to the seas.

Sleep with me, Autumn, beneath your starlit skies.
Let your yellow harvest moon shimmer in our eyes.

Kiss me, Autumn, with your enchanting spellbound ways 
That changes all you touch into crimson golden days.

Love me, Autumn, and behold this love so true
That I'll be waiting faithfully each year to be with you.

--Patricia L. Cisco
Source: https://www.familyfriendpoems.com/poem/sing-to-me-autumn

 

 

Image result for sweet asian face
Mah nih hin ka tuai lengmang seh law kaa hlerhlau deuh hnga, tlawmpal cu. :)

.

 



Mozart Symphony No. 29 in A Major, K 201 - II. Andante.

 

 

fall animated gif

 

 

Journal for the week

KAN RAM NIH A KAN KILVEN, KAN KILVEN VE A HAU
Ceu Hlun

Lai Ram cu Pathian nih sersiam a philh e an ti tawn. Fing le tlang lawngte a si i vawlei ttha a taang lo, hmun rawn zong a um lo, suilungvar a um lo, tivapi le a um lo, i Lai Ram in zei hmanh a chuak lo. Mah bantuk ram celngel kan pupa i an rak tlak cu vanchiat ah ruah a fawi, hawi ram cio ruah lo ah cun. Sihmanhseh, vanchiat a si hnga maw ti cu zoh deuh rih a hau. Kan pawng ram zoh ve hna hmanh usi.

Kachin khi an vawlei a rum. Suilungvar in a khat. An ketang ah lunghring a um ca ah an ram cu miphun dang nih chuh an duh hna. An pasal ttha nih heh tiah an ruunveen. An vawlei tliktaak hna seh ti duh ah aphunphun in heh tiah an tthiau hna. Kawlram cozah i Peace Process a tuah cuahmah lio zong ah Pu Than Shwe te hohaat ralkap nih heh tiah an kah hna. An miphun hrawh khawh nak ah rawhralnak an ser. Bing an ciinhnawh hna, an zuarh hna, i bing zuuk an cawnter hna. An pasal ttha vialte an ram ruungveeng ding in KIA ah an lut i, a taang mi bing an pek hna. Pasal tampi hman tlak lo ah an ichuah. Chungkhar cawm kho lo in an um i, an fanule nih chungkhar cawm a hau. Zeiti ti awk ttha lo ah an duh lo mi zong an tuah. Kachin mi tam tuk an rawk. An sui le lungvar cu an miphun rawhnak ah a cang.

Shan ram kan zoh ah ram a ttha. Kawlram chung leichung thilchuak atam bik cu Shan ram in a chuak. Shan ram cu vawlei a ttha, khuati a ttha. Thlai a ttha. Lo thlawh awk a tam. Ramdang thil a luh nak nih le a si. Lo thlawh in si seh, zeidang in si seh, an icawm kho. Har lo in an nun khawh ca ah fimnak cawn ah an daithlang. An milu tam tluk in siangin an kai lo. An ram nuam ah miphun dang an lut i an chilh hna. Miphun lungthin hmanh an lak ah a zor chin lengmang. Hlanlio ah miphunpi a rak si mi, penram kaupi a rak ngei mi, miphun cu atu ah miphun dang nawl ngeih nak tang ah an um hlei ah mah miphun le ram kilven duh nak hmanh a ngei lo an tam cang. Mitam nih anmah miphun holh hmanh an thiam ti lo. Miphun zorchuk ah an cang. An ram vawlei a tthat ca ah a si tiah ti khawh a si.

Rakhine zoh rih usi. Kawl siangpahrang hmanh i rak tei bal lo mi miphunpi an rak si. Rilipi an to i eidin an fawi. Rili in an ram ah thil phun tling a lut kho. Sihmanhseh an miphun hna a ngam ti lo. Bengal in vai an ra fuan ciammam i an chilh dih hnek hna. Bangladesh-Pakistan raldoh lio ah Pakistan lei i aa ttan sual mi hna nih, ral a dih ah Bangladesh cozah hmai khaap lo in, Kawlram lei ah a ra vai i Bengali pawl cu 1970 zul kum in Rakhine ah an lut. An um hmanh kan hngalh lo kar ah milu million khat ringlo tiang in an karh. Kawlram ralkap nih rumro in million cheu an chuahpiak hna. Mah na hmanh cun tampi an taang rih. Vai cu an karh lai i kum tam lo ah Rakhine cu an chilh dih men ko hna lai. Thinphan dai lo an si.

Mah a karh cuahmah mi vai nak pawl cu Lai Ram ah hong fuan ciammam hna seh law, million cheu hmanh a ti lo mi kan miphun hi chilh ding ah kum tam a rau hnga dekmaw. Sihmanhsehlaw, kan fingtlang nih a kham hna. Kan ram fingtlang nih rili thlichia in a kan kilven bang, Bengal vai fuan in a kan kilven.

Lai Ram cu aho fuh duh lo bantuk a si bu ah, kan miphun tunmer nak ca tu ah cun miphun dang an kai ko. Mirang i Kawl ram a laak ah hin Chin Hills cu a la lo. Sihmanhseh, khua chimh kan ti hnga maw, mi pakhat lungthin ah Chin Hills laak duh nak a chuak. Mirangpi cozah sin ah a hal lengmang i ahnu ah cun Mirang nih Chin Hills cu an laak. An uk. Kan pipu cu sal ah an ser hna. A si ko nain zoh setset ah Mirang i Laimi an hrem hna le an fial hna hi Mirang miak nak ca um tuk dawh a si lo. Admin ca i a herh mi ngunkhuai pekter, lam chunhter, tehna a rak si i Laimi ca lila a rak si deuh men lai. Mirang uknak a um ruang ah formal education ah Laimi kan lut (siangin kan kai) i vawleicung tiluan sin ah kan luang ve. Mah education nih cun Laimi a kan tunmer. A kan tthanchoter. Mirang miuk an um ruang ah, anmah humzualnak bochan in, missionary Lai Ram ah an lut ngam. Social Change nganpi Lai Ram ah a tlung. Mahti cun thil ttha tu cu kan ram ah a phaan ve ko.

Vanttha kan si kan ti lai. Kan ram a chia i kalhnawh awk a um lo bang in kan ram ah miphun dang an lut tuk lo. Pu Cung Bik nih a chim i, Kawlram chung miphun ramkulh khualipi vialte ah Halkha lawnglawng hi mah miphun holh hman nak a si; miphun dang cu Kawl holh nih a chilh dih cang hna. Kawlram chung kan miphun hawi dang he tahchunh ah, atu tiang ah cun, Lai Ram cu “Lai ram” a si rih. Kan siningte in kan um rih. Kan miphun muisam kan keng kho rih. Kan holh, kan phung, kan biaknak, kan tiram kan kil khawh rih.

Kan pupa hi nichuahlei in rat i Chindwin valley in nitlaklei tlang ram ah an kai tiah kan zumh. Leilung a tthat nak le rawnram vialte lonh i tlang ramcaar an fuh hi zei ruang ah dah a si hnga ti ruah tik ah himnak ruah ah a si lai tiah zumh a um. ‘Mahka ah hin cun ral kan him cang lai’ ti in atu kan ram ah an itthumh hi a rak si lai. Mah kan pupa khuaruah cu atu tiang ah kan miphun nih kan himnak. Ro a si. Atu cu kan mit a au cang i kan ram le kan phun zeitin dah kan hmunhter lai ti cu chan thar mi kut ah a um cang.

Chanthar Laimi mi i kan ram kan humzual khawh ding ning cu:
• Miphun dang luh tamter lo kan izuam lai (innerline permit ser in)
• Miphun dang hramfek i khua an sak lo nakding in khua kan ruat lai
• Miphun dang sin ah kan vawlei le hmunhma kan zuar lai lo
• Kan ram thingram kan kil lai, cozah i a zuarthlai lo nakding in
• Kan miphun miau le phung le holh kan kilven lai
• Fimnak phunphun kan cawng lai, neek khawh lo ding in
• Miphun a ruung mi Lai Ram cozah umter nak ah kan ttang lai
• Ram a ruungveeng mi hriamtlaibu asiloah mibu tthawng kan zuat lai

Kan ram vawlei le hmunhma a chiat hi kan pawcawmnak ca ah har ko hmanh seh, kan miphun himnak le hmunh nak ca ah khuanu nih a rak timh a si kho.

<><

Image result for Chin Hills

 

 

 
Rawlsi

 

KHACHUAN I A KHAMH MI

Hypertension (thitha kai ah khachuan a ttha bik)
High Cholesterol (thithau sang)
Heart Disease (lung zawtnak)
Artherosclerosis (thihri teu i biit)
Heart Attack (lunghri dawh)
Fungal infections (buar hmapor)
Cold and flu (kik tlaih le tlangrai)
Hay fever (cumpi)
Traveller's diarrhea (khualtlawn chungtlik)
Bug bites (ceep seh)
Diabetes (thi thlum)
Osteroarthritis (zorchuklei hliahcaang fah)
Enlarge prostate (zun lam phin)
Alzheimer (thluaktlau zawtnak)
Side efftect: Thli a ser. Thi a filter ca'h thifilsi he aa dawn kho. http://nutrilifetips.com/garlic-and-honey-for-7-days/

 

Image result for garlic black background


Mifim Miau 3
Research an tuah i dahkaw mah hi an hmuh cu! Mifim an sii aa hngalh nak miau pa thum.
1. Zan sau tthut: Hnupi tiang an tthu i hawi ih hnu ah khua an ruat.
2. Iphahdah: An khaan le cabuai hi thil aa phah nelnul dih. Tla-reptepte i thil fim an ngei lo.
3. Biachia chim: Mirang nih curse an ti i chiatserh/volhpamh an hmang; biafaak a hngal mi hi mifim an si an ti.
Mifim nih mahti hin um ding tinak cu a si lo.

Related image

Maak ah thil har, maak lo ah le temh nak. :)

 

 

 

Zei pei, zei pei?

1. Ngakchia upa ah a thleng tu cafang fang thum?
2. Panda nih saram dang i an ngeih lo mi zei pei a ngeih?
3. Apple hnarcheu he aa lo bik mi?
4. Pasal 12 nih suimilam 18 chung ah pang an chon dih. Pasal 9 zei can dah an ttuan lai?
5. An herh cio, an hal cio, an sian cio--nain laak taktak an duh cio lo. Mah cu zei pei?

 

 

Image result for picture quotes

Saduh that, tonttha la, thil thleng.

 

 

Featured documentary video for the week


 

 

Performance video for the week.



"Mibu zulh i kal cu hawi hlei fon nak a har. Mah lawng i kal ah hawi phanh lo phanh khawh a si.
"The woman who follows the crowd will usually go no further than the crowd. The woman who walks alone is likely to find herself in places no one has been before."—Albert Einstein



 

Website for the week

 

Teach Your Kid

 

----------------------

 

Image result for picture quotes

Na inn nganter nakin nuamhter a biapi deuh.

 

 

 

Capo!


Pasal pa hnih ramlak ah sa an zul. Pakhat a tlu buk. A mit a thlep, a thaw um ti lo dawh a si. A hawipa nih a phone aa chuah i emergency a auh. "Ka hawipa a thi i zeitin dah ka tuah lai?" a ti. Operator nih cun, "First, let's make sure he's dead" a ti. Mah cun a dai ko i operator nih zei hmanh a thei lo. Tlawmpal ah meithal puah a theih. Mah dih cun ramvaakpa nih cun, "Khah, zeitin dah ti cang ding a si?" a ti.

Zei pei zei pei phi:
1. KUM
2. Panda fa.
3. Khattelei cheu.
4. An chon dih cang i ttuan a hau ti lo.
5. Ruahnak (advice).

Music video of the week.


Timeless Abba. January 9, 1979 at UNICEF Concert, United Nation General Assembly, New York.

 

 

Video will stay till around October 27.

wild animal gif

Mangttha u.