2010 Krismas Ni ICBC Pu Than Kio he va bang tleng khat i kan fut lio Mi zaza lak ah Krismas lawmhnak kut-tlaih i ka vah lio Mino hla ka remhpi hna lio
Pule sunhlawih ni ituah seh law Indianapolis ko ah hin cun... Zing Bawi hi ka
chuahpi far fa a si. A inchungpa zong hi ka rualchan tthiamtthiam. Iang Iang he. Kan far Ngun Hliang Hriphi ah va a ngei i Diana Van Biak Par hi a hrin. Kan tu Sui Tin Tial nih Zai Tha Par hi a hrin. Ka ni Awng Caw nu iang in a chuak. Sungkalay Ni Par Sung hi a hmet lio ah a rak ka duh tuk i ka dawt khun. A smart in a leklak tuk, a nun a nem tuk fawn ttung i ka tule lak ah kaa zohthla bik pawl a si. Hmaan kan ithlaktti ah kan chia tuk lengmang. Atu hi kan tthat a si. Thla Thang hi ka pa minsak a si. A tunule lak i a hme bik te hi Ca Hnem Tial fa Zing Thluai Meng. Mithman benh hi Hlawn Cer Chin.
Zan khat cu "mifim pa thum" hi an ra i, "Ka pu,
laksawng kan in chuah" an ka ti. Caan sung kan hmang. Zing Hlei Vang hi a ning a fim taktak. Pule upat a thiam tuk. Lung zong a ngei. Ka tu Ngaih Sung chung an si. Krismas ni ah cun chungkhar hmaan ithlak ding a si e tiah ka khawmh hna i, awlokchong in an i-au an iserh i, ka thlak hna i mah hi a chuak ko. Ka khemra hman mi kaa ziak lo. Cung Za Lian hi u Cia (Thla Cia) fa a si. Atu lio vawleicung i a ka duh bik mi cu Dawt Tin Sui le Kap Hnin Thang hi an si lai. Mahhna pa hnih ca ah hin ka sunglawi bik ko rua. Kan orhlei bik te hi Rosie Za Iang Par a si. Inn khat um kan si nain a tta tluk in a ka duh lo. Parkuk a duh deuh. Lungtinfim Parkuk hi Rosie he an iduh ngaingai i, puai zong ah tlangval he tthut-umtti um hlah, Rosie aa laak i a um aisawh.Inn zong ah a ra laak, aa leenpi. Laksawng a chuah. Krismas lai ah Parkuk nih hin inn inn zeizat dek a kan ttamhpiak, khuasik khongtuur lak ah. Thisa in kan itlai lo nain kan hmuh lo a sau ah kan ngai.
Aaron Tha Lian Thawng. Kan rualchan zong a si lo nain a ngakchiat lio in ka
dawt i kaa zohthla mi a si. Krismas kan hmantti khawh hi a sunglawi tuk i ka tule dang he zong kan ithla nain an hloh dih hna rua.
Kum a thar i kan tho rih lai, kan kal rih lai, Bawipa thanwgin. Abba - Move On |