1
Hawikom Pa Zeizat Dah Na Ngeih?


Patarpa a ra i a ka hal;
"Hawikom pa zeizat dah na ngeih?"
"Ziah, pa hra pa kul ta ka ngeih ko,
Anih zong, anih zong, anih zong" ka ti.


Patarpa cu a thaw ha le ha lo in,
Har lengmang in a tho ttuammam i,
"Hawikom mah vialte na ngeih cu,
Mi vanttha na si cuta" a ka ti.


Asina'n na chim mi cu ruat rih hmanh,
Na hngalh lo mi a tam rih,
Hawikom ti mi cu na theihhngalh,
Na chawnhbiak mi poh khi an si lo.


Hawikom cu ihngerhchan khawh mi tung,
Ttah nak i hman khawh mi liang,
Mah harnak vialte tlen khawh nak tikhor,
Lungtthawn a'n pe tu chuncha khi an si.



Hawikom deu i an kan thlak tik i,
A kan dok in a kan chanh tu,
Khuamui lak i an kan tak tik i,
Khuaceu ah a kan chuah tu.


Hawikom taktak cu liangdan bantuk,
Harnak i a kan nenh zong i a kan dan tu,
Midang i an kan philh lio zong i,
Kan min hlam a philh lo tu.


Hawikom taktak nih cun an thinlung,
A hnakkar i an kan tenh i,
An paw chungne in dawt nak a luang,
Dawtnak lak i dawtnak sung.


Khah, ka chim mi hi ruat cang hmanh.
Mah cun ka'n hal mi kha ka leh tthan tuah,
Hawikom taktak pa zeizat dah na ngeih?"


Patarpa cu a dir i a ka zoh,
Ka bialeh a hngak ko.
Theih ual theih ual lo te khin ka leh,
"Cuti a si ah cun pakhat hrawng lawng ka ngei kun" ka ti.

"Kawi le maw khi hawikom taktak cu an si!"

Aho chim mi dek a si!