2012 Lai Phunpi Ni Lawmh Nak

 

Lai Phunpi Ni e-card, kan miphun minung thong tampi sin i kuat mi a si.

Pu Ro Thawng Lai Ram a tlun lio i a thlak mi a si. Nu hi cu Hniarlawn Hram Nawl le Sung Cia fa Iang Hlei Mawi a si, zunput chung i ka thlak mi.
A lu aa bingbo mi khi a samphiar a si, keimah zung rem lo a si lo. Keimah ka puh hlah u.

 

 

Van Ceu Uk le Ceu Hlun

Laimi mibu kan zoh hna ah Laimi hi kan idawh set lo tiah kan ti i mah cu a thanh.
Kan lungthin le kan ziaza tal aa dawh a hau ti nak a si e tiah kei nih ka hon chap.

 

 

Lai thuam cu bawi thuam.

 

"Varaal a kai e, cang e, kan ttian lai ni e, tawi e."

 

Aa dia, aa dia. "Nang lo cun e, nun hi zei cel maw!"

 

Kan pile ro aphunphun

Atu lio Lai ngaknu hi an idawh kan ti ko nain mit ttial riairuai, ttawk ttha pi, cu an har nawn.
Mit ttial lo ah dawh tling hlah. Ttawk tthat lo ah dawh tling hlah. Hnuk faat tuk ah dawh tling hlah.

 

Tlaisun nu thuam cu vawleicung hmanh ah...

Van Sui Nawl le Dawt Tha Zing an si.

 

 

Paih bual kam ah Lai laam kan laam i hla fung nga ka sakpi hna i aho nih ka zawn kho hna hlah.
Ka Lai hla CD rak iput i alaam lawng laam awk kan si na'n henta kaa put lo. Laam duh leng le val an hei tampi hrinttung.
Khumvoi bak cu...

 

Sui Tial

 

Pu Van Ceu Uk le Pu N. Lian, Chin Community of Indiana upa veve, laksawng he an dir lio.

 

An thuam nih a cercawi hna lo i a si, thiam cu an thiam

 

 

Ngaihchiatete'n tiah hmaan ka va thlak hna.

 

Kachin cu Kawlca cun 'kah' le 'chin' komh si kaw "laamduh" tinak a si.

Atu i an laam mi hi "thing taalraang sah kan ngol lai lo' ti hla a si. :)

 

Hmai bik i hi Isaac Duhtling a si. Kum zeizat cung, mizei, ithlak ding ti leem um hlah tiah amah te a va kai ve.
Atang i hi a nu le a pa he an si. Anmah sin ttheu in hmanthlak taar awk kan hmu.

 

 

 

 

 

Pa-tthawng Kap Hnin Thang le a ule

 

e-Card i a cuang mi khi

 

 

Paih

Bual upa Pu Thawng Lin le Pu Siang Herh

 

CNF upa pa thum

Ater ah, paih hi 4:00-10:00 pm rak ti a si. Sml 5-6 chung ah cun an ipai manh dih lai tiah kan rak ruah. Atak a hong chuah ah hlasak, rang cung ral doh le Kachin laam tehna nih caan a kan chuh dih i 6:30-9:30 tiang lawng paih caan kan ting, sml 3 chung. Aa pai manh lo an tam. Pu Ang Cung sin tlangval tamlak Dallas ah an kal lai e rak ti a si ca ah aa pai tu an um tuk rua lai lo ti in CCI nih hlasak program tehna tu a rak chap deuh zong a si lai. An kan laklawh dih.

Bual tlangtla Pu Siang Herh thawngthanh

 

Atu tan aa pai mi cu pa fa tete an tam. Tawhrolh anmah tawk zeitin dek an ihmuh khawh. Thiam cu an thiam leen cio.

 

Par Tin Dim le Ngun Don Sung, Ngun Za Peng paih an zoh lio

 

Paih bual ah nu lut hlah u law ti cu an ngai lo i, tlawmpal ah pakhat nih a baan aa hrawh taktak.

 

Kuki kan hawi Pu Nehnginpao Kipgen zong nih a kan telpi, a cal tleu le tleu lo in. :)

 

Rung Ceu Bik le Ngun Lian. Khel khat le caan dih in RCB nih a tei. Caan nih a kan uk tuk.

Kap Tawng nih, "Indiana ah kum hnih ka'n tlawng cang hna i tukum cu keimah ka tlawng ve cang u" law tiah Hniarlawn pawl a ti hna, nikum khan. A nupi le Dallas pawl hmaika i ipaih a duh ve zong a si lai. A hawile nih cun a bia an al siang lo i an tlawn. Vok a rak thah ve hna. An kal hlan ah, "Indiana bual hngak nan um lai lo maw" tiah ka ti hna. Pahnih nih ron hngak hna seh law an ti i Ngun Za Peng le Ngun Lian an ngol hna. Ngun Za Peng i pa sarih a tei hnu ah aho an chuak tuan lo. "Hniarlawn hngak hna hlah u, an um lo" tiah ka au. Rung Ceu Bik hi a chuak. Hawihnu bik pa a tei le caan a dih aa tong bak. Bualco a van nih a kuaih ka ti. Ka lawmhpi.

 

Tukum hi Malaysia, Australia le Dallas le Amarilo ah Hniarlawn nih bual an co. Halkha le Indianapolis ah Khuathar nih.

 

 

 

 

Ka ni (a pi) muikeng Zai Tha Leen Par

 

 

North America Paih Committee Bual

 

Bualco Rung Ceu Bik

 

Rung Ceu Bik cu kan Lai pa chuakthiam a si i kaa chor tuk i bual a co zong kaa lawm.

 

 

Khuathar pawl, far duhnung fang khat he

 

 

Hmaan kan thlakpi ve law an ka ti i "thlakpi dahhe" ka ti hna. Lupawng ponh lo poh Khuathar.
Paih ka zuam hna seh law Khuathar mah vialte hi cu ka tei men hna hnga lo. :)

 

Zan ah paih tlangtla pawl he kan va tthut-umpi hna. Khuahlun he Khuathar he an rak ifon dih. Tukum cu kan ichuahhnawh lai lo tiah an iti e an ti i a hmaan men lai. Paih kong le pa-tthawng kong caih in kan inuam leen lai ti na ah 'Chin' le 'Lai' kong tehna an caih, ca i ttial ngam ttung hna lo ah. Sau kan tthu lo. Ngun Za Peng pa-tthawng cazin i a luh va lawmhpi ve a hau i kan chuak. Fanghang an chuang.

Paih Committee he.
Paih dawh bik Chuncung Caw Mang Lian (pa ruk tei), bualco Khuathar Rung Ceu Bik (pa li tei), tambiktei Hniarlawn Ngun Za Peng (pa sarih a tei hna hnu ah Rung Ceu Bik nih a tei). Ngun Za Peng hi tam bik tei laksawng a hmu ding si hlah seh law paih dawh bik laksawng an pek hnga. U-ting-nau-zo in u le pa khua an ruat i a si.

Saphaw kedan kaa danh ah ka ke a thlan tuk tawn i, ka cumpi tawn i,walking shoe kaa danh ai sawh, aa tlaak lo ti ka hngal na'n. Thur nih le a thur tuk.

Ngun Za Peng te chung
[An nu hi ka tu a si i, a mit a au zong ah zei pi aa chap lo] :)

 

 

Rang cung raldoh hi zoh a nuam bak ve. Thing pum a hau.

 

 

Dallas

:) Dallas minthang Senri-nu (Hniarlawn Zing Hniang)

 

Dallas leng le val.

Dallas ttheu ah leeng dawh um hna

 

Iang an cuai.

Tthi hni nih a ka simh. Tthi hni le tthi hni lawnglawng. Hnittial te ivenh ko u. Lai thuam kek te cu hnittial.

 

Ruang Mang vangkhen

 

Indiana ngaknu le Dallas lengleh (Halkha Sui Cer Chin le Hniarlawn Tha Len Sung)

 

Dallas bualco Kap Tawng te phu. Mithmaan benh hi Kap Tawng. A orhlei angki raang chang i angki dum khi tam bik tei Mang Cung (pa ruk a tei hna). A hmai i angki raang le tawhrolh nak a tthu mi khi Tluang Za Kherh a si. Paih a thiam taktak. Kan kehlei bik i jean aa hrolh mi khi ithal a duh bak lo mi Tial Hmung (pa li a tei hna). Kap Tawng hmai i khi pa li tei Tum Sang, a mitei a fiang bik mi. A hmai chin i hi Ruang Mang, pakhat a tei ve. Kap Tawng kehlei i khi Ngun Ceu Ling, 2010 North America bualco.

 

 

Hmanthlak dang

Paih bual lei ka va luh bak ah Pu Za Bik nih a rak ka ton i, "Na hmanthlak an fir hoi ko hih!" a ti.

Pamphlet (cabil) te aa chuah i a ka hmuh. International Conference on Missions ti mi civuipi khumvoi ah a um ding a si i mah an "caw-ngia" nak cu a si. Mah civuipi ah cun ka kal ve bal i, mi phun za kip thong tampi cu ka kut in 'Hi' ka hei ti hna i mah lio te cu hmaan an rak ka thlak manh i, mah te cu an pamphlet te ah cun an cuanter ve. Ka von zoh i, "Aze! Ka hmanthlak pei ram zakip biakin a phaan lai hi, ka cawngnak puan le ka paran he" ka ti. A pamphlet cu hmaan ka thlak chin i hika le hika ah an um.

 

Ka tu Dimdim orchestra ah aa tel ve i concert an ngei hnek i 7:00 pm ah ka hei kalpi.

Southport 6th Grade Academy

Minung 80 hrawng an itel nak orchestra ah cun anih cu a Lai min te bak in Par Tin Dim tiah an ttial.

Twinkle Twinkle, Little Star an tum lio a si

 

 

 

 

Mangttha u.