2018

CHIN NATIONAL DAY

Hakha, Myanmar

Lai Ram chung pengtthen pa kua in an ra i hmunkhat ah kan phunpi ni an sunh.

Union Minister, Chief Minister of Chin State Government, cozah zung i bawi tampi nih an tuah. President of the Union of Myanmar nih Lai Phunpi Ni sunhsak nak cazual a kuat hna. Rampi cozah nih mah thil hi biapi ah a chiah ti a lang.

Mi an tam ning cu, ichawh nak hmanh a ttha lo ti awk a si.

Lu tthi-oih khi khuang ah an cawi lai.

Long in an ra lut i vaahla le beleu le muko le Lai hla in an zulh, leng sung cu. Va-or tung hram hin an lan.

Beleu sumsel le meithal he.

Kengkuul nawn hi leng sung i a pi (a nu nu) a si rua. Hlasatu a si.

Leng sung cu Sarlaam in an zulh, a lenghawi le vaalmi nih.

Bual lai ah an kulh, thliahniar vabawi bang in.

A velchum in an laampiak.

Khuang i cawi awk ah ready a si cang.

Kan ram taktak tu ah hrihrual a tlawm tuk cang rua ka ti. A tlung tthan te hnga maw?

A lut cang hih.

A cawi cang.

An cawi, an tthumh, an cawi, .... Duhtawk in a laam, aa sai. Uar a um tuk.

Pasal nih meithal an rak thlahpiak.

"Na thin a phang ma?" "A phang pah."

Khuang i an cawi mi ngaknu min: Run Sung

Lai patthawngtthawng an rak ipaih nak, an min a than nak, paih bual.

Lai Phunpi Ni i ttheng cung paih an tuah nak hi kum 40 tluk a ti cang rua ka ti.

Zan ah hlasak.

Hlanlio ka hmanthlak ka taar ve, Halkha CND ka ngai ai.

Atang hi cu USA, Indianapolis i tuah nak an si cang.

Miss CYO Indiana 2017-2019

Tthutdan 500 aa chia rua ka ti. High School hall a si.

Thla kan cam hmasa tawn. A ttha.

Bawi Tha Par te nih caan a tlaih rua (mah puai hi kei ka ra lo).

Pu Zapeng Sakhong's speech.

Kum 16 nu nih, "CND hi Laimi ca nakin mirang ca'h a si deuh cang rua ka ti" a ti. Halkha ah le Kawl le Kawl holh rumro.

Minung 866,000 a um mi Indianapolis khua a uk tu khuabawi Mayor Joe Hogsett.

Laimi a kan bawm tu cung ah lawmh kan langhter tawn. Hawikom tampi kan ngei cang.

Mirang nih Lai thuam an itlak deuh. Mirang nu cu hi an ttawk ttha kaw Lai hni an itlak tuk.

A kan bawm mi Rotary Foundation.

Salai Thawn Kham hi kan miphun a cawihler mi minung fang khat a si ve. Hi cattialtu zong nih a upat ngaingai.

Chhaih Laam (chaih cu hawh).

Halkha pawl.

An laam a si bak lai. Laam lo ah cun mahti hin an um men hnga lo. :)

Salai Tuan Ling Thang zong nih mi har lio ah kan Lai hlasa le zukhlaphel a chuah mi a si. Kan upat ngaingai.

Costume Show an tuah i pa thuam an langhter mi an si. Lai pa thuam cu puan laap zuun khat. :)

Lainu thuam cu hmaihngal.

Matu leng no pawl.

Mahhna hi kum fatin hmaan an ithla i an hmanthlak aa lo dih.

Fial chukcho phun deuh nan si hih, nannih cu!

Horseback War champion: Van Cung Lian (angki raang hi).

Minung 22 a tei hna. Nikum i minung 31 a tei mi Uk Lian Thang zong a tei an ti. Amah chang tu John David nih minung 20 a tei ve hna an ti.

Rang Cung Raldoh ("Horseback War") hi "chantling tuk" (pillow fight) le "puantom tuk" sawhsawh a si lo. Aho dah rang cit in raldoh a tthawng, aho dah kan mibu a kan kilveng kho lai ti rak test nak sport a si. Mah sport hi mirang nih an hmuh ah an uar tuk, nu hmanh nih.

Acung hmanthlak i hi cu pelek an si. Kehlei-u hi Laimi i pelek kan ngeih thar mi a si.

Lai tthi le hlawn te he nan rat hi a ttha.

Nuamhnak phunphun. CYO zong atu tan hi cu an miat pah rua.

"Chin Pi-tthawng-suh Neh" von ti awk. 2016 lio a nuam in a sunglawi bik rua ka ti, atu tiang ah cun.

"Indianapolis Lai Phunpi Ni Paih Bual."

Saleen ngakchia, angki dum nih hin minung 6 a tei hna.
Puansen aih hna khi tukum Dallas i bualco an si, zuamcawh ah Uk Ling Thang, zatlang ah Thawng Lian.

Paih Tlangtla. Siang Cung Uk, Tin Hre, le Ngun Ceu Ling.

North America Paih Committee.

Ahringte hi a thiam tuk i a vua kho lo.

Mit au chia taktak hi keimah ka si (ka um ve tinak). Ka orhlei i khi ka a far fa. Ka tunule paih zoh an zuam ning le an ttan ning cu!

Kan miphun i kokek zaanglek kan ngeih mi cu paih hi a si.

North America Paih Committee paih bual a nuam tuk cang.

Tonzaangpa aa pai ve, zaang rumro in. Paihthiamlo cu an kechiah in aa hngal colh.

Nabual Van Ceu Hmung (tangnung) hi Hniarlawn a pule nih thazaang an pek. Paruk a tei.

Tutan Hniarlawn cu adir in an dir lo. :)

Kan Sponsor "kadaw" pawl.

Biak Hmun Sang hi a tthawng bak. A pa Surkhua a si rua, amah cu Halkha a si ko.

Tutan cu Uk Ling Thang rumro an bawh. Uk Ling aa serh hlan cu chuah an duh lo. A chuah bak in an iserh dih. Amah an lawk tiawk a si. Vaalno tthawngtthawng pa kua a kherh hna. Bual a co lo nain, minung pa khat/hnih tei i bual a co tawn mi nakin a paih kan zoh deuh.

Hniarlawn Uk Ling Thang le Halkha Mang Ceu Lian.

Uk Ling Thang le a u Kap Tawng tutan an hon nih hi paih bual hi a lumhsatter ngaingai. An pawcawmnak rian kaltaak in le air ticket man saang liam in an hon cu a si i, bual an co le co lo, mi an tei le tei lo biapi tuk ah an chia lo. Laksawng an hmuh lo zong an zei a poi lo. Tangka ruah ah kan ipai bal lo e an ti. Paih bual a sun ding an duh. Paih committee upa Pu Siang Herh a ra i a ra lawmh hna.

Mang Biak nih keh vangkheen dawh taktak in 12 a tei hna. Tambiktei le paih dawh bik a si.

2018 North America Paih Bualco Sang Hlei Thang (215 lbs).

Nini Honey, paih hlasa.

Van Ceu Hmung, Thawng Lian, Sui Chan, Sang Hlei Thang, Bawi Hnin (abokmi), Biak Hmun Sang, Kap Tawng (akunmi), Lal Tawng, Sang Lian Thawng, Van Bawi, Fung Awi Thang, Mang Ceu Lian, le a lang lo mi ah Thla Bawi, Uk Lian Thang le ahoho dek an si kha!

Pu Van Uk hi Mang Chum tehna he a rak ipai tawn mi, Noval he a rak ingiar lengmang mi a si.

Kap Tawng nih Sui Chan vangkheen in ka laak a ti lai; a vaang a kheeng lo himu. Kap Tawng khuk Sui Chan karkalak ah a luh lo chung cu a vuak leen zong ah aa thal lai lo. Sui Chan ca'h cun nau tthumh or cabuai cung i zuan bantuk a si ko lai. Kap Tawng nih aa nolh leen i a vua kho lo. Cu hnu ah Sui Chan nih a tei, khel khat le caan dih in. Kap Tawng atutan cu pakhat hmanh a tei lo. "Sui Chan i a ka tei cu ka van a ttha leh, aho hmanh nih an tei lo kha" a ti.

Zephai lei vaalno an zaat lai kaa ngaih.

Atutan an paih kan ingaih bik cu Lal Tawng le Sui Chan an si. Sui Chan nih a thiam bak. Lal Tawng le ttih a nung tuk ve. Zeiti i an cawl manh zong kan hmu lo. Mah ah cun Lal Tawng huahcham in an tlu. A tei zawn a hngal manh lai lo (an rang tuk).

Sui Chan Dallas i aa paih nak video ka zoh ah, a paih a ttha tuk, ralrin a thiam tuk, i "Aho dah a si?" ka rak ti. 2017 bual ah, "Sui Chan, nangmah paih zoh ah fawh ka rat!" ka ti. Tukum cu ka sponsor lawlaw. Cinzah ka naupa cu bual a luh ah puansen keimah nih ka aih, cawngnak puan he ka zulh.

Pa tthawngtthawng pa li--Kap Tawng, Lal Tawng, Uk Lian Thang, le Sang Lian Thawng--a hrilh hna.

Sang Lian Thawng hi Tlangkhua mi tthawng cikawr a si an ti i a tthawng taktak. Dallas ah Hniarlawn pawl sin paih a cinh tawn rua i a tha tthat an chim kho lo.

World Champion Sui Chan.

North America Paih Committee chairman Pu K. Lal Ram Lian he.

Zatlang bualco Hriphi Sang Hlei Thang le Halkha Sui Chan (World Champion) hi zuamcawh ah an chuak veve nain an ttaang aa tong lo. Sang Hlei Thang nih Sui Chan cu aa paih lio ah $20 in a bawmh, ka unau hngal na ah tiah.

Cinzah pawl.

Kan tuah tthan te lai.