CYO-Fes

Indianapolis, Indiana, U.S.A.

2009 July 3-4


Caantlai Far Hlei. Hmaitlang i hi Van Ceu Uk, Van Thawng Ling, Lairamthang, Ceu Hlun le Van Tha Thluai (Rhoda)

 

Zingka ah an tuah. Pu Hre Mang nih bia a chim an ti (hmanthlak i hi cu midang).
Nu za le pa za an itel ah hin puai a pical. Atutan hi nu zaza le pa zaza nih puai an kilh ko.

 

Nithla hmaan lo aa ttial mi hmanthlak hi CYO i an ka kuat mi an si. Football team hmaan ka thla hna lo.
CYO nih team photos an thla hna maw thla lo dek. A honnak ah hin kei ka um lo.
Rianngei  zong ka si lo na'n, rianngei nih an taar ttung lai lo tiah ka taarpiak hna.

 

'CYO Conference' a si ko na'n aa tuah ning ka zoh ah Festival pei a si ko hi tiah CYO Fes ka ti hi a si.
 

Michigan volleyball team. Asen hi Washington DC pawl (a ngo bik te hi Hoilopar muvi i Monica. A ttang taktak, aa nuam taktak fawn.)

 

Ohio pawl le Indiana pawl an si. New York pawl an bau.

 

Indiana pawl an si. 22 hi a thiam taktak. Angki sen hi cu DC pawl, hrihnuh pakhatnak. No. 05 hi Cathy.

 

DC pawl. Nu cu champion Indiana volleyball team. Atu tan cu bawlubawl kan inuamh nak bik rua ka ti.

 

Champion volleyball team Texas. A tthia bik te hi khattelei nih a celh in an celh lo, a thiam taktak.

 

Bual 2 ah an chuih. Bawlubawl zong bual hnih ah.
Atutan Indiana pumpalulh chuih pawl cu, 'anih hi cu a thiam bak' ti mi lawngte an si. Kawlram 'ttaing le pyine' level nakin an sang deuh e tiah Pu Thawng Cung nih a ti.

 

Pu Thlaawr, Pu Lian Uk, Pu Thlasui, Pu Lian Cin, le Pu Thawng Cung he ruahsur lak ah pumpalulh chuih kan zoh. Kei ka tho i hmaan ka thla.

 

An tling lo. Salai Thla Hei biachim mi a tthat ning cu.

An ngaknu ttha ttha nih an nuamhpi ve hna, ahnu ah

 

Hniang Tha Khun. Tlengper, leek le tennis lek ah pakhatnak a hmuh dih. Atu tan CYO Fes i kan uar bik a si lai.
(Thiamchuang petu luchin nak kha Hnianghniang a pek lio hmaan an thla lo i a hing nawn an ti.)

 

Ruah a sur i thlaam ah kan dor, chuncaw kan ei pah. Mi kan sawp.
Thiamchuang a tlai mi kan orhlei bik te hi Ni Hoi Tial a si. Volleyball a serving cu pa tluk.
"Kan cinh lio ah khan thla ka va cam ta lengmang i mah ni kha kan hawile zong an kut a hmaan ngaite cuh!" a ti.

 

Luchin zuar Tha Hlei Sung, Helen, le Zai Tha Par. Thlaam ah cun sabuti, thingthei, ciazaan le ti tehna an zuar. Sabuti chizawh rawl zat ah $5.

 

CYO thawngin saupi aa hmu lo mi Hniarlawn pu-tu zong an itong. Halkha Pidawta i a tthangtti mi hawikom zong an itong.

 

Pu Lian Cin le Pu Ceu Hlun thiamchuang pek an thiah ve hna, upatnak in. Chuangpi cu Pu Lian Uk nih a pek hna.
Angki sen duk a dir mi khi sports director le men tennis champion  Pu Van Ceu Uk a si i a hmanthlak ttha kan ngei lo.
Sports uniform lo in thiamchuang an la ttheu i nikhua kan mawhchiat, anmah mawhchiat ngam lo ah.

Indiana pawl

Championship lawmh nak i Chief Guest biachim:
"Indy Lai mino nan menlo a lang cang.
Khuaza Laimi sin zohchunh tlak si usi.
Kan thinlung tal kan ram ah tlung seh.
Kan fimthiamnak kan ram phaan seh.
Modernity nakin kan identity ttanh usi."

 

Mawhphortu Lairamthang, Nunmawi (nurse), Ceu Thawng le sibawi Van Thawng Ling (a tthu mi hi cu pa Hnin).
An thilti a felfai. An ca print mi hawihna cu zung sang ca nih a tluk lo. Miss he hmaan kan thlak ve hna, retheih man ah.
Ngaknu khaansang, kedan sang cung dir chinchap, he hmaan aa thla ngam mi Lai pasal cu uar an um bak.

 

Ngun Chin Tial Houston in a hong kho ve (conglawmh nak ah a hmanthlak ka taar, hawikom hlun te tiah).
A nau 5' 7" zong a hong ve i atutan CYO Fes i a ra mi lak ah a cuang bik a si lai na'n a hmanthlak a um lo.
 

 

Hmanung zan caantlaitu hi Za Thawng Cin a si na'n a hmanthlak a um lo i Sungmi kan taar tthan.
Kor ihruk lo i mah bantuk angki (Lai thuam rawk) aa hruk rih bel ah cun a hmanthlak kan chuah ti lai lo.

 

Pu Zing Cung

ngai

 

Pu Lian Uk le Indiana Chin Community chairman Pu Za Bik

 

Lai thuam rawi le hrawh i fashion show tuah hi pehzulh ding maw zulh lo ding?

 

Cathy Sawmmal (angki hring) nih pakhatnak a hmuh. Atu tan a ra mi ah Cathy duh a nung bik rua ka ti. Dawh zong aa dawh bik men lai (nu dang hngan lo).
Kan orhlei bik titsa ttha te hi an fial chih i a ttih tuk nak ah a ttap hrulh an ti. Raltthat timi cu, ttih na bu i fuh chih cu a si.

 

Cawngnak puan sen rawi lo, tan lo, hrawh lo in, aa menh i a keng lei khi zei in dek an sih i mah hi a chuak ko. An thiam bak.

P. Hreng Ling nih fashion show thiamchuang a pek hna.
Coat thawitenh aa hruk mi hi an hmanthlak taar ka duh set lo na'n anih hi ka von taar.
Coat thawitenh cu nationalists nih kan zahpi.


Hlasa hi an min ka hliah ti hna lo, ka ngaithiam hna seh.

Hlasak cu an thiam ko, an thiam ko; hla ttha phanpiak tu an ngei lo i a si.
Duet a sa mi nu hi Rebecca a si i, thiam ti cun amah hi a thiam bik ko rua ka ti.

 

Ceu Hlun hla mark thanh lio.
Lal Cung Awi, Monica, Cung Tha (Australia) le amah hi hla mark pe tu an si.

 

Hlasak pakhatnak a hmu tu Van Tha Dim, a hla a phan i hlaphan pakhatnak a hmu tu Jonah, thiamchuang pe tu Ceu Hlun, a bawm tu Lydia Htwe.
Mah hla a sak taktak lio hi zan hmasa ciammamte i aa thuamh lio a si na'n CYO lo nih camera ken khawh a si lai lo e ti hna kaw hmaan ka thla ngam lo.
Cun hnittial nak, puan nak le kor nak aa hruk i mah bantuk Lai thuam 'deu' cu taar kan duh pek hnga lo. Lai thuam taktak cu puansen.

 

Ci Lian zong hla a sa ve na'n hman an thla rua lo. Atu tan hi kan celebrities Monica Uk, Ngun Chin Tial le Suimi hla an sa lo.
Mawte cu hla mark pe tu ah aa tel, Suimi a aw a pit, Maanu nih forhfial tu le cinhpi tu a ngei rua lo, mahtluk awttha.

 

Dr. Van Thawng Ling (secretary airawl), hlasa pawl le Van Tha Par.
"The Warmest Person" ah 'Van Tha Par maw Blessing' ka ti hnga. Itonka i an milawmh a ttha tuk koko.

 

 

.

Biachim: Van Tha Par le Iang Thlia le vei. Ramdang peem a tthat le tthat lo an chim.
A tthat lo lei a chim tu ding minung pa hnih ra kho hna hlah kaw, a tthat nak lei lawng dok chim a si i,
CYO nih Lai Ram chuahtaak a hrih khan ah aa chuah.
Mah topic hi topic ttha ngai a rak si na'n atu cu a hnu tuk cang.

Hrang zuamnak (talent show) a um na'n an talent ngeih mi zei santlaih dawh ah ka chia hna lo.
CYO zong nih laam horcuang tehna cu tha pek awk a si lo.

 

Awngbali an zuh lio a si. Orhlei i hi Pu Lairamthang (CYO chairman) le Miss CYO 2009 nih fonh dih pakhatnak laksawng Indiana CYO an pek hna lio a si.
A la tu hi an secretary Van Ceu Mang. Mahtluk pa leek le pa dawh hmanh hmanthlak ah cun chia nawn in a lang himu. Mah ning hin kan tuak cio ko u.

Atu tan CYO Fes ah hin khualdong Indiana nih pumpalulh chuih ah le, nu pumpalulh bengh ah le, pa tennis ah le, cabia zuamnak ah le, zeizong fonh buaktlak ah pakhatnak an laak.
Pumpalulh chuih thiam bik Thawma zong Indiana CYO a si. Leeng Hlei Cuang zong hi Indiana.

 

 

Miss CYO Contest

Hawihnu i a taang mi pathum
An tungtai tah lo pi'n an zuamter ko hna; 'Lai nu tungtai tah va si hlah, zoh an rem ah a za' an ti rua.

 

Lai thuam zei nih iang hlah.

.

An kan cercawi bak!

 

.

Miss CYO hlun Suimi nih a lukhimh a chanh.

.

Suimi a thlum-al ning hi zoh ko u, Miss cu mah ding hi.

Hlawn Kip Tlem

High school kai lio; a tung 5' 6" hrawng.
A tthan nak Tlangte, Thlantlang, Halkha tehna.
A zuam phun ah ngahringdawi. Ruakha a tlak kho, Lai hla a sa kho.
"Aruh tum hlah; ahang na hap lai" ti ko a duh. A rawl duh mi cu buh tehna a si ve ko.

 

.

Lai Phunpi Ni thaizing (Feb 21) ah khan Indianapolis ah puai a um i, mah ah cun Hlawn Kip Tlem hi ruakha a tlak ve. Mah lio cu a si.

 

 

 

Texas in kum no te aa zuam ve. A men lo. Stella zei dek a si. A min chim a dim tuk i an hliah cio lo.
Kum no tuk cu an titsa a tling rih lo i hihnu ca ah an paam. Kum 18 tlin an hngak kho tawn lo peidek.

 

Blessing Sawmmal, Maryland.

College 2nd year kai lio a si. Hrang zuam nak tuahter hna seh law, Blessing a laam ah cun vaalno an ngang lai. Lu i tthi oih hi aho dek a chim, an hloh bak.

Blessing hmanthlak hi slideshow in ka ser i hika ah zoh te u.

Aziah dah ka ser ti ah cun ngaihchiate a si ai tiah. Kan iton ah, aa tel hnek kong cu ka hal i, "Lai Holh ka thiam setsai lo i ka tling lai lo" a ka ti. Lai Holh thiam a duh lo si lo, a duh tuk ve ko bu i Lai Holh holh nak ram le khua i a um bal lo le, cu ruang i a thiam lo; confident a ngeih khawh lo ning ka ruah ah ka zaang a faak. Zuamnak i bia an hal ah, "Lai Holh na thiam maw?" an ti i, "Kei cu, Lai Ram ka phaan bal lo i,,, asinate'n..." a ti. A nu Cinzah, a pa Sawmmal, nih Mizoram khuate ah an hrin. Aizawl, Delhi, Buffalo (USA) ah kum 16 a ti tiang a tthang. Lai Holh in an chawn bal lo. Mah tiang ah cun holh cawn khawh bik caan a luan. Washington DC ah an itthial i mah hnu ceo cun, CBMC an fel ruang ah Lai Holh cu a cawn. Kum 4 chung i Lai Holh a char khawh ning le Lai Holh lawngte i a kan chawnh ning le, Laica a von fonh khawh ning le Lai phungthluk bia tehna a von char zokzok khawh ning, ruah tik ah a za tuk leh. Lai khua tthang bantuk i Lai Holh a thiam lo cu chance a rak ngeih lo ca'h a si. Atu a ngei i a thiam ve ko.

Khah, ka hmanthlak kaa taar ve, retheih man ah.
Nan ka zoh ve a hau, cu lo ah cun ka phih lai.
 

 

Cinte Rungcin

Rungcin Biaruah Phu