MY 2018 DIARY IN PHOTOS

DAMTE IN KUM THAR (2018) KA LUT

Kum a liam i kan kumkhua te aa chap ve. Kan pum zong nithla a rel. Ka tanglei mitnawn lawng a taang cang, cunglei cu a chilh dih cang. Kan baan zong tit a tlawm deuh cang. Kan ttaang tit zong a tang khaap khat ah aa tthial cang. Kan mui le kan sam zong.

KA TU KA DONG, Janury 6

Ka far fa (angkisen) hi New Delhi in a ra phaan i Chicago ah kan va don. Kum 16 chung aa hmu ti lo mi kan si.

PAIH KA ZOH, North America Paih Committee bual

CBCUSA BT MEETING KA KAI, Washington DC ah

Tukum hin ICBC palai ka sinak a dong cang ding a si.

CBMC hrawng i dawtu hna mui hmuh a sung. Aizawl ka um lio i keimah he aa daw mi, pastor a si cang mi, he zong hmuhsung in kan itong.

PHUNG KA CHIM, ICBC zarhpi pumh ah

CYO ADVISOR KA SI

Chin Youth Organization aa thok sin in an ka kawngkuaih tawn. Central ah advisor term hnih ka si. Atu cu local Indiana ah advisor ah ka thiah cu a si. Ruahnak ka pek khawh hna mi a um theng lo; kilhkamh khi a si ko.

JUDGE KA ṬUAN

Zophei Fellowship of America nih Miss Zophei le Zophei Idol le Fashion Show zuamnak an tuah i, a phun thum in judge ah an ka ruaih i tlingtlaak lo bu in ka va ithawh, ka mit a bonlo saling ah.

Hlasa le awttha minthangthang lak ah ziah keimah nan ka thim" tiah ka hal hna. "Nangmah hi hla ngaih na thiam" an ka ti. Ka zumh pah. Miss thim cu ka thiam tuk mi a si. Fashion Show belte ka thiam mi zong a si lo, ka uar mi zong a si lo, nain judge ka hei ttuan ve ko.

FACEBOOK KA TAWNG TTHAN

Kum nga chung ka tongh ti lo mi ka Facebook ka kau tthan, July 19 in. Halkha ah Run Mang a thi i, a ruak tal zoh nak ah tiah ka ti cu, a nu zong a thi. Mithi an ichap chin, zoh herh dang zong a um pah i ka hon tthan lawlaw cu a si.

PICNIC KA KAL, June 16.

Hniarlawn mi nih hnianghrawm an hrih i ka kalpi ve hna, June 16 ah. Nilin a zual.

KA CAUK A CHUAK

PUBLICATION KA TUAH MI

1. To Whom It May Concern (Muko, March 2018)

2. News Rel Tuk Hi A Ttha Lo (Muko, December 2018)

3. Nazareth In Bethlehem Ah (Robawm.com, December 2018)

CIVUI COMMITTEE SECRETARY KA SI

CBCUSA CIVUI KA KAL

KA HLA AN SAK

Kanmah krifabu ICBC nih CBCUSA civui kan don. Thlahnak Hla aho dah a phan lai ti kan caih ah, nangmah nih na phan tuah hnga si maw an ka ti. 'Kaa zuam ko tuah lai ta, hla fung khat cu" tiah ka ti hna, hlaremh ka phan bal lo nain. Ka ttial, ka tthinh, ka remh lengmang i fung khat cu ka chuahpi khawh, vantthat ah. An remh.

OPERATION KAA TUAH, July 27

Vitreus haemorrhage an ti i, ka mit chung ah thi a lut lengmang i khua a ka phenh lengmnag. Laser in surgery an ka tuah. Khattelei ah thi luut a tam tuk cang, amahte'n a thiang kho ti lo i operation an ka tuah (an ttawl). Suimilam 3 chung an ka ttuan. Kaa hlauh tik cu suimilam 4 nawn a ti. Ka chanchung ah rolung lung khat aa bunh.

Sibawi thiam nih a ka ruah ngaingai i kaa lawm.

Thla khat oi khat khan in si-in ka kal.

Operation kaa tuah ah si seh, a hnuzul ipiah ah si seh, ka tu Hlawn Cer Chin nih a ka kalpi. A ngakchiat lio ah Riley ngakchia si-in ah keimah nih ka rak kalpi tawn i, leklak ngai in kan rak izul. Ka mitthlam hmanh i a loh hlan ah a ngaknu manh i amah nih a ka take care dih cang. Ka cung i tthat a tuah chawng ah, Miss CYO Indiana zuamnak ah aa zuam i, Miss Crown te he a tlung ve.

Ka mit phin bu pi cun ka tupa tete he tiva ah kan kal, sur he (value time pakhat). Ka orhlei mit hi cu a phing mi a si lo, ka mittlang a chah bia a si.

ILLINOIS KA TLAWNG, Labor Day weekend ah.

Zing le zaan ka rak zawh mi lam, University of Illinois at Urbana-Champaign ah ka tule ka luhpi hna. Mah lai hrimhrim ka rak ruat baan bal lo.

Ka far taktak fale he pumhchuah. Puan-aih hi kan va tlawn mi cu a si.

GOSPEL TEAM AH KA KAL VE, uico lo kal in.

CBCUSA BD MEETING KA KAI
September 7 & 8

CBCUSA Board of Directors ah misawhsawh keimah zong an ka thim ve. Metting ka va kai. CBCUSA a chung taktak mi pei ka si cang ko hi ka ti. CBCUSA ca i lai a rel bik tu cu BD hi a si cuh!

MANG THA ZI PA A KAN TLAWNG, AIZAWL IN

NIAGARA, NEW YORK, AH KA KAL, November 4

WORLD PAIH CHAMPION BUAL AH PAIH KA ZOH, November 24.

ZAN KHAT NUAMH, December 2

CYO Indiana nih, Date Night an ti i, convention tuah nak ca fund kawl nak ah mithim in ticket an kan zuarh. Indianapolis Lai celebrities an sawm dih hna. Rawl ei le hla sak/ngaih in kan inuam.

DAMTE'N KUM KA CHUAK

Ka zai tthan lo. Tuan ah cun, ka zai nawn: "Khoika hmanh i kal lo, hmuncia lawng i ikorh, zei hmanh tuah lo, zei hmanh si lo, nun man zei dah a um" ka ti hrulh. Asinain ka kumkhat lamthluan ka cuanh tthan tik ah, 'ziah!' ka ti tthan. Ka hmuncia in san zong ka tlai pah ko, khual zong ka kal pah ko, nuamh zong (keimah kum tawk ah) ka tuah pah ko. Pathian he kaa naih rih fawn ko. 'Hi hlei zei dah' ka ti tthan.

Mahti hin 2019 ka lut hnek.