DAWTHNIANG KA'N HNGAH KO

Salai Sun Ceu

Leenlai caan nuam le san ttha an liam hnu,
A net nak caan sia ruang ah,
Dawthniang ttap hlah law thinhnemtu ding in,
Zanlai thlapa a vang e.

Na duh mi sokhlei le zan rimhmui par tla
An liam hlo ta ruang ah,
Dawthniang ttap hlah law thinhnemtu ding in
Zanlai zilthli a leng e.

Dawthniang ka'n hngah ko zanlai thlapa hnuai in,
Dawthniang ka'n hngah ko zantin ttahnak thawn in.
Dawthniang ka'n hngah ko zanlai zilthli hnuai in,
Dawthniang ka'n hngah ko zantin mitthli thawn in.