Welcome Back to Robawm!

thingpaak

.

 

 

 

lila-a-15 yr

 

"Faith, hope, love."
The greatest is love;
the smallest is our faith. :)

 



'Turn'"--The Byrds

 

 

 

ILUNGSI

 

Krifa nun a sun nak cu ilungsi kan ngeih hi a si. Ilungsi cu mah ngeih tawk i lungdaih lawmh ngeih khi a si. Aa lungsi mi cu an thil ngeih lo midang i an ngeih ah hngar lungfah an ngei lo; mi vanchia ah an ichia lo. Mah bantuk lungdaih nih cun lawmh a hrin. Mah ca’h, mi hngar lo hi cawn awk a si; cawn khawh zong  a si.

Paul nih, “Ka ngeih mual i lungsi tein um ka thiam” a ti (Fil 4:11). Har ti ah cun Paul cu a har: rian hrang, ih lo, ei awk ngeih set lo, dornak le thilpuan ngeih lo, tehna (2 Kor 11:27). Kan ngeih lo mi ruah lo, kan ngeih mi te cung i kan lung kan chiah ah khin ilungsi lawmhnak hi kan co. Kanmah ringlo a si mi kan zoh hna in kan thluachuah kan hliah.

Ilungsilo cu a mui a chia. Ilawmhlo lawng a chuahpi. Aa lungsi lo mi cu anmahte in lungnuamlo lengmang in an um ko. An ing-ai le phunzai nih an pawng mi zong inuamlo in a tuah dih hna. Amah nak lo ṭha deuh a ngei mi he an lo an cuai lengmang. An hngar lungfah nih thlum-al kho lo in a tuah hna. Midang tumtlin le siṭhat nih an lung an fahter hna i mi an huat hna. Mivanchia le ngaihchia an si.

Ilungsi hmaan lo a um. Nga fang khat te zong, ngeih lo nak cun a ṭha deuh ko; asinain lung von dawnh i adang tlaih khawh ko ding mi dawnh lo i ilungsi cu lohlak a si. Thathut, daithlaan, asiloah khuaruahning niam tuk ruang i a chuak mi ilungsinak cu aping a si. A ṭha bik banh khawh ko ding mi a chang tu ah ilungsi, tlinh khawh ko hnga mi tlolh pah zong i ilungsi, rian lim khawh ko ding mi hnarcheu ṭuan i ilungsi, cu dawhceo bia a si.

Ilungsilo hmaan a um ve. Nunning sang a ruat mi nih an tem. Zungthiam khi—caṭial, zuksuai, hlaphan tehna ah—an zung a ṭhat tuk cang ko zong ah an ilungsi kho lo. Thiam chin le sang deuh phanh chin lengmang an duh. Ṭhat an tuah mi nih ṭhat an ruah mi a phaan kho bal lo. An tuah cang mi cung i an lungsilonak nih faak chin i thachuah a forh hna. Victoria Tlang paar pe 10,000 a kai mi khi aa lungsi ko; asinain Everest Tlang kai aa zuam mi cu pe 20,000 a kai tiang zong ah aa lungsi kho rih lo.

Kan thluachuah hmuh mi ah kan ilungsi ko lai; ṭhatchuah lei ah cun ilungsi a um kho lai lo. –Ceu Hlun


 

Image result for pondering

Hnuulei cuan law Pathian lawm.
Hmailei cuan law Pathian zuum.
Minung hon khawh lo in inka a khaar khawh.
Minung khaar khawh lo in inka a hon khawh.

 

 

Featured documentary video of the week.


Titanic Tilawngpi hi minung kutser thil ah a ngan bik a si. An serka ah minung nih Pathian kan tluk cang ti tluk in an rak iruah. "Pathian hrimhrim hmanh nih a pilter kho lai lo" an rak ti. Sihmanhseh, a tinh hmun oi khat hmanh a chuah manh lo. Minung lungpuam cu minung mualpho nak.

 

 

Performance video for the week.


"Na siimi kha si law na ruahning kha chim ko;
Lungngei nih cun an fahsak lai lo,
A fahsak mi cu zei khuaruat lo an si lai."
Be who you are and say what you feel, because those who mind don't matter and those who matter don't mind.  - Dr. Seuss



 

Website for the week

----------------------

 

Venetian Mask

Pa le nu aa hnam mi na hmuh kho hna maw?

 

 

Capo!


A inpa pa a va leng i, "Na fapa ka hmu ti lo e!" a va ti.

Intekpa: "Ka chimh a ngai lo tuk i ka tthawl."

Milengpa: "Na tthawl i a kal ah na chimh a ngaih tuk ko ttung!"

 

 

 

 

Music video of the week.


Video will stay till around October 1.

 scenery GIF

Mangttha u.

Carmen