Welcome Back to Robawm!

hi-trees

Aw, lei mawina, thinlai tihlim tu!

Myanmar Poems


 

Anatasia

Anastasia Kvitko

Tar hmanthlak lawng ka taar lengmang i, tar zong ah nan ka rel lai tiah tutan cu ka thlen.


.

 



Oba-la-di Oba-la-da - The Beatles (remastered)

 

 

Overloaded truck

"Life is a struggle."

 

 

Journal for the week

'AHNU' CU "A HNU" TUK CANG ṬHEU

Atucaan te kong hi ka lung nih a hngalhfian ko tiah na ruat pah tawn maw? Hnulei caan kong ka ruat tuk sual, asiloah hmailei kong ka ruat tuk deuh ti awk tah na hngal maw?

Caan kong ruahthil pa thum hi an biapi tuk. Hnulei caan i kan tuahsernak nih khan atu caan kan sining ah hin a kan chuah, i tucaan kan thilti hi ka hmaicaan kong lai a rel tu an si te lai.

Sihmanhsehlaw, a biapi bik cu tucaan hi a si, aziah tiah tucaan ah hin kan nung kho, khua kan ruat kho, i atu le hika ah kan cawlcang kho.

Hlanlio ah khan um ti hlah, kan lungtaang aa khawmsua mi lawng an si. Hmaicaan ti ah le a si te ṭheu lai ti i kan ruah mi sawhsawh an si i, an sii taktak lai le sii taktak lai lo zong aa hngal lo.

Si taktakte i a si mi bak mi cu atu caan te lawng hi a si, Cuca'h tucaan sung cu na tlaih i a thilsikhawhnak cu na hman ding a si, "ahnu" ti mi cu "a hnu" cang lai, a ra bal ti lo zong a si te kho.

Hmailei na tinhtung kong ruat hlah tinak cu si hlah e! Na thazaang kha atu caan i a kal cuahmah mi thil tuah nak ah na hlum ding a si tinak a si, aziah tiah na hmailei tinhtung cu mah cun aa thok.

Na hnuleicaan nih khan nangmah ah a'n chuah, na hmaileicaan nih na ruahchannak le na saduhthah an tlaih, a si ko nain, akhoi hmanh hi ataktak an si lo.

A'n ṭemṭawn tu na hnuleicaan cikcin kha chat law atang ah a'n hnuk tu thil rit kha ihlitphuak.

Hmailei caan kong saduhthah hi caan heu men a si, atu caan lawm kho lo in a'n tuah tu a si.

Caan ṭha a ra sawk lai tiah, asiloah thil khuaruahhar a cang lai, tiah hngak hlah. Mah bantuk thil khuaruahhar cu aser tu in ser.

Nikhatkhat cu kan sam hi a raang lai i kan khuk hi a khong te lai. Cu tik ah, lungsi te in ka rak nung ko tiah hmaipanh in na ti te lai.

Lawmhnak taktak na kawl lengmang mi ton ning cu mah hi a si. Na nunchung thil hme tete kha duh hna, lawm hna, sunh hna. Na ngeih mi ah khan ilawm law tucaan na ngeih mi kha sunhlawi, aziah tiah kamh lo mi thil na ngeih mi an si.

Mah cu, nifatin lungngei te i thil ti lengmang in hmuh a si. Na lung kha daihter, thil tam kemh hlah, na tuah mi poh ah na lung pe, lawmh cawng, mi biachim ngai deuh, na thilthiam khawh nak kha karhter, law na dawtmi he caan sung hmang tawn.

Mah vialte kong na ruah ah cun, na hmaicaan kong ruat na le hnulei caan zaangraam ruang i na sungh mi na hngalh ruangmaang lai.

Na nun hi zeiti awk ttha lo i na co mi bantuk in ruat hlah, aziah tiah nun cu nolh awk a ṭha ti lo mi laksawng a si.

Credit: Exploring Your Mind

<><

Image result for Chin Hills

Joy in looking and comprehending is nature's most beautiful gift. --Albert Einstein.

 

 
Hngalh Fawi

egg in water

ARTI RAWK LE RAWK LO HNGALH NING

Arti a tthat rih le tthat ti lo hngalh ning:
1. Ti paih
-Thlalang hrai in ti suak
-Arti cu ziarmaar te in paih
-A cung i a vuanh ah cun a da (rawk) cang tinak a si
-A ne ah aphei in a tthut ah cun arti thar a si tinak
-A ne ah atung in a um ah cun zarh thum hrawng a si cang i a ttha set ti lo tinak
-A ne ah paisah in (atung le phei kar) in a um ah cun zarh khat arti a si i a ttha rih ko tinak, a si.


2. A Thawng Ngaih
-Thawngpang le riva a um lo nak te ah tuah a hau.
-Arti cu na thin lai i na hnaka in na ngaih lai
-Zei thawng hmanh a um lo ah cun a ttha tinak
-A chung in kurukrek ti thawng a um pah ah cun a rawk tinak


3. Pemh
-A thawng na ngaih i na hngalh khawh lo ah cun pem
-Arti ttha cu a mu a pum lai
-A mu cu arti lai ah a um lai, a cung raang lei ah
-A nolnaang a chah lai, a raang lai
-Arti puum-uh cu pemh ah a puak, a thu tuk.


Jane Austen about love (“Pride and Prejudice”, 28 January 1813 ...


 

 

 

Zei pei, zei pei?

1. Hngawng a ngei i lu a ngei lo, baan a ngei i kut a ngei lo?
2. Nu-va hna cu fanu 6 an ngei. An fanule cu tta pa khat cio an ngei. A si ah an chungkhar minung pa zeizat dah an si?
3. Number 8 lawngte fang riat, fonh dih ah 1000 si ding in zeitin dah na ttial lai?
4. Pasal 12 nih suimilam 18 chung ah pang an chon dih. Pasal 9 zei can dah an ttuan lai?
5. An herh cio, an hal cio, an sian cio--nain laak taktak an duh cio lo. Mah cu zei pei?

 

15 of the Most Beautiful Birds in the World (Pictures, Videos ...

Chuangtuar

 

Intelligent people tend to have less friends...♡ | Psychology ...

Na fim deuh poh ah zaaraan nakin hawikom na ngei lo deuh lai;
hawi komh awk kong ah na cee chin lengmang lai i komh awk tlak na hmu set hna lai lo.

 

 

Featured documentary video for the week


 

 

Performance video for the week.



"Mibu zulh i kal cu hawi hlei fon nak a har. Mah lawng i kal ah hawi phanh lo phanh khawh a si.
"The woman who follows the crowd will usually go no further than the crowd. The woman who walks alone is likely to find herself in places no one has been before."—Albert Einstein



 

Website for the week

 

Fongvoi

 

----------------------

 

TOP 25 MAJORITY RULE QUOTES | A-Z Quotes

Mi tam-u duh ning cu a biapit bu ah mi tam-u duhning lawng in thil a kal dih ah cun,
mi tlawm-u cu zeirello ah an cang. Ataktak ah cun vo an ngei ve.

 

 

 

Capo!


Pasal pa thum ramriahnak ah sa bawh ah an izul. An hmai in sa nih lam a tan. An liangcung meithal an isawh i phelh khat te bak ah an phelh. Sa cu a ril. An hlawm i aho hma in dah a rilh hnga tiah a hma an kawl. An hmu kho lo i, a pawng khua i sakap pa an va ruaih. Sakap pa nih cun sa cu a lehthal i kuan hma cu a kawl ve. A hmu hlei lo. Khua a von ruat ta i, "Nan rian ttuan mi cio ka chim tuah u" tiah a ti hna. Pakhat nih kei ca-pe ka si a ti. Pakhat nih kei cu dawrhngak ka si a ti. An thlang i pa tawi nawn cu, "nang tah zei rianttuan dah na si?" a von hal. "Pasator ka si" a hon ti. "E, nangmah kah a si" tiah sakappa nih cun a von ti colh. Pastorpa cu a khuaruah a har i, "Ziah, pastor ka si ruang ah keimah kah ah na chiah colh?" tiah a hawile hmai khah lo nawn bu in a hon ti. Sakappa nih cun, "Hiti hin a si: a kuan hi a hna khattelei in khattelei ah a thawi ca'h a hma kan hmuh lo hi a si. A hna khattelei in khattelei ah a thawi ca ah, pasatorpa, nangmah hma a sii a fiang" a ti.

Zei pei zei pei phi:
1. Angki
2. Pa kua (tta fang khat an ihrawm)
3. 888 88 8 8 8
4. An chon dih cang i ttuan a hau ti lo.
5. Ruahnak (advice).

Music video of the week.


 

 

Video will stay till next month.

Mangttha u.