Indiana Chin Baptist Church, Indianapolis, U.S.A.

Rev. Dr. Edmund Za Bik zong a um ve.
Biakin chung ah pumh kan tuah i mui tuk kaw dawhte'n kan hmanthlak a cuang kho lo.

Mipuum kan tam ngaingai

Rev. Tluang Thang. Thianghlim Lawr tik ah mahti te bak hin kei cu ka kai lai ka ti. :)

 

Kum khat ah Nunphung & Zatlang nih zarhpi oi khat hman a si.

 

Pu Thawng Mang, Nunphung le Zatlang upa, nih pumh a uk. Caan karlak tete ah biacah a chim pah lengmang. "Nan fale hi 'Lai Holh in holh u' tiah ti lengmang hna u" ti tehna, "Church Choir a kaitti mi hi nan ihlam caan a um lengmang te lai" ti tehna, atu nan hlaremh hi Halkha ah pakhatnak kan rak hmuh nak i, mah lio ah cun rak remh ve u law nanmah pakhatnak nan si hnga ti in mino a lawmh hna. ICBC zawn a ruat ngaingai mi a si.

 

Krifabu ca thlacam tu hi Pi Naing Naing Lwin a si. Karen a si nain Lai Holh a cawn i biakin chung i krifa hlabu kan sak ah hin laam le pei bengh he tlo taktak in a sa ve tawn mi a si. A thlacam ngaih ah thla a cam tuk mi a si ti a lang. Caan thiah awk kan ruah lio te ah amah hi lung ah a chuak i Thiang Thlarau nih amah thiah a kan fial rua tiah kan ruah i kan thiah, Nunphung & Zatlang upa a si lo nain. Thla a cam ah kan lung a hmui tuk.

 

Pu Ceu Cem (Ttupa) a si. Nunphung le Zatlang upa a si ve.

 

Thla lawng an cam ko, thawhlawm khawlh lai fatin.

Nunphung le Zatlang secretary Pu Rual Bik a ra kho lo. Kan hlam ngaite.

 

Lg. Thla Cuai, Nunphung & Zatlang Committee i rinhchanh mi, chawnghlang rel a kan hruai lio a si. Kan rel mi cu Rom 6:1-14. Hlabu chung ta irinh lo in kan duh mi te kan thim.

 

Church Secretary Pu Thlasui Tluangneh nih thawng a thanh tawn.

 

Solo: Pu Tawk Hmung, Nunphung le Zatlang upa.

 

Tha Bawi Ci le hawi hlaremh a si. Salm 23 khi an remh. Tha Bawi Ci cu Kap Hnin Thang ni kehlei ah a dir lai, atang ah. College ah Nursing a kai lio mi a si. Rawl ah buh a duh bik.

 

Sunday School thawngthanh

 

ICBC Church Choir. Hruaitu khi Vl. Bual Cem.

Kan inn ah hla cawn a si i pumh an tuah pah i kan linsa kho taktak. A nuam.

 

Minit 22 a chim

Pianist, le Sunday School sayamah te.

 

Kap Hnin Thang a ni nih a cawi.

 

Pumhchuah ah hmaan an ithla ta cio.

 

Puansen aih ning phunphun an kan hmuhsak rua.

 

Kor le tthi le sam nak te an itlak ning hi. Pate hi puan ingerh ve seh law aa tlak hnga nain paterual chuak an si i puansen an ngeih mi nih a zaat hna rua lo. Puansen tampi kan herh.

Pumh a dih in khattelei khaan ah kan kal i puai kan tuah.

Lupawng ponh hi Mimi inchungpa a si. Mirang tu nih Lai thuam he.

 

"Mahhangso" te cu kan si ve.

Kuut hon nak hla an remh lio

Kuut cu festival a si. Kan miphunhawi zong i an hman cio mi biafang a si. Kan miphun nih kum a voi lawm in kuut phunphun kan tuah cio. Min zong aphunphun bunh cio a si. Atu i kan tuah mi hi cu kum a voi tik i tuah mi kuut ti in Kumvoi Kuut kan ti, Harvest Festival.

Dawt Tha Hlei Par le Ceu Hlun (keimah)

 

Pu Lian Cin, ICBC i kan pa pa khat. Lai nunphung hi krifabu nih a tthohdirh a hau; krifabu chung ah nunphung kilkawi nak le zatlang tthancho nak a zohkhenh tu bu um a hau, ti i khua a rak khaang tu hi Pu Lian Cin tehna hi an rak si i Yangon i Lai Baptist Church in an rak thok. Atu zong ICBC ah Nunpung & Zatlang Committee cu a um i amah hi kan advisor a si. Atutan hi Lai nunphung cawihler a herh ning tehna bia ttha ttha a kan chim.

"Lungrawn" ti hla in kan ram an cercawi, Dawdawt te nih.

 

Duh a nung bak mi ICBC kan vaal chorchem vaal li. Orhlei liang i puansen aa aih mi hi Vl. Hrang Chum Ling a si. Atu tan i kan camera man zong a si.

 

Va nakin an idawh deuh, lo mei u?

Inuam hna seh, inuam hna seh, fam in.

 

Nokcuah (sathluak) le be tisop kan dihlak zo in kan chuan i chuncaw ah kan ei. Lai nunphung cercawi ni a si bantuk in Lai rawl te bak kan ei ko.

 

Saar laam a hmu bal lo zong aa um. A hmu bal cia hmanh kan hmuh ti lo sak a sau tuk cang. Tutan hi kan nutung no le patung no nih a fale ngalh taak in zarh hnih chung an kan cawn piak i atu hi an kan laampiak. Pu Thawng Mang nih a chimh hna, a hruai hna.

Lai thil cu bawi thil.

Tluang Chin nu hi pangpar a kan hlaan tu le inn a kan ttamhpiak tu zong a si.

An ngaknut lio hmanh i laam nak chance an rak ngeih lo tiah.

Atu hi nan idawh bik a si cang lai. Hihnu cun par lei um ti lai lo, ziamh lei a si cang lai.

Thoh u, thoh u. Isir u, imer u. Mahti khan, mahti khan.

2009 ah khan Nunphung Cawnnak ni thum chung kan rak ngei i, ruakhatlak hi thiam lawlaw lak in kan rak cawnter hna. Mi tampi nih an cawng nain mah khuah li hi kan thim hna i Lai Phunpi Ni ah si seh, Asian-American Meet tehna ah si seh, an va laam tawn. Atu cu college an kai cang nain siangin khar lio te a si celngel i an tla tti tthan kho.

ICBC Cultural Troupe I

Post-Secondary Education (college) a kai mi ICBC fanaule ca ah ICBC Nunphung & Zatlang nih scholarship a ser i, atu i ruakha a tla mi nu pa li lak ah pa thum hi mah ICBC Scholarship a hmu mi an si. A hmu mi dang an um rih. Atu i a laam mi nu acheu cu High School Musical zong i a rak itel mi an si.

 

Tutan ah hin Saar laam, Ruakha Tlaak le Conglaizonh kan laam lai tiah kan rak ti.

ICBC Cultural Troupe

Kan N&Z advisor Pu Lian Cin nih milaam phu ser u law a kan ti i mah hi an si.

 

♫Lengmi cu e, an hmul corh siap ah lung lian hna e, ...♫

 

Kan tlangval pawl hi an khaan 5' 10" a ti mi an tam pah.

Hnittial hring, kor nak, le "coat" thawitenh tehna cu Lai thuam dotla ah kan rel lo.

 

Lu tthi oih zong kan khap. Tthi cu hngawng ah oih awk.

Lai thuam cu ngun le sui he aa tlak tuk.

An hruaitu hi Anna Dawt Tha a si. A hrukpi khi zoh hmanh u; orhlei zong ah a fong, kehlei zong ah a fong. Mah ding khi a si. Nu cheukhat nih orhlei ah vei can in an fonter tawn. Mah cu a hmaan lo. Symmetry a si ding a si, a hlei mi aa canh ding. Lu chip ah hrukpi tonh a si lo, tukhor cung deuh te ah tonh a si, aphei dingte'n.

 

Baan aa dawh ko ah cun baannaal a hau lem lo.

Kan pile fashion an rak thiam ning hi zoh hmanh u.

Lai thuam ah cun pumrua tthat a lang tuk.

 

A laam mi hi nu 12 le pa 12 an si.

ICBC Cultural Troupe II

 

Merhzuam in Pu Biak Hlei Mang. ICBC ca'h cun cakei hmanh a dawi hnga.

 

Suit nak he Vanni Lian (Great Blessing)

Bikte, zeitin dah pakhatpa hi na rem?

 

Zawng Tidin.

Lai khua pasal i an izuam tawn mi cu zawng tidin a si. Baan tha tthat izuam nak, fit izuam nak a si. Nan hmuh bang hin kut tha lawng in kheng chung ti din i ke chiah tthan ding a si. Mah cu a fawi lo. Baan tha i pum khing a derh lo ah cun ti ah ibur a si ko. Aa bur mi mualpho nak ah ti chiah lo in whip kan chiah i a kan nuamh tuk.

..

Puai nuam seh tiah Vl. San Myint aa pe hmasa bik.

Paih tthawng Ngun Za Peng. An tthawn zong ah zawng tidin cu a fawi lo.

 

 

Karate: Saya Bawi Kian nih a kan piah.

 

 

 

Rang Cung Ral Doh

Kan miphun pasal ah aho dah ral a tei kho, aho dah kan miphun a ruungveng kho, ti sullam i tuah mi a si. Chantling le puantom i ituk sawhsawh, sullam ngei lo, a si lo. Vl. Cung Lian Thang Khenglawt nih zeizong a khaan.

Aa do mi an tampi na'n kan taar cawk lo.

 

Video a kan thla tu Pu Ruang Mang le a chungkhar. Pa te hi Saar laam cawn nak ah a nu zul tawn kaw, Saar laam nih a "suai" i inn ah a laam lengmang. A hla zong a thiam.

Kumvoi Kuut 2012 cu a dih riahmah.

 

Inn ka ttin ah ka tu Dimdim a rak iserh cuahmah i hmaan kan ithla.

Atu i kan ithuamh ning hi atu chan Lai thuam ah a cang rua lai ka ti. Pa thuam cu biar a rak si nain kan ngei set cio lo i, mirang thuam hei ihruk, lupawng hei i pawnh, cawngnak puan conlo puan aih in hei i-aih. Cawngnak puan sen cu araang he zong aa tlaak, anak he zong aa tlaak ca ah suit nak ihruk lo in a chung angki raang he lawng puansen ihruk zong ah aa dawh ko [acung i tlangval pawl khi zoh hna hmanh u]. Tawhrolh belte cu anak a si ah aa tlaak bik, kedan zong. Necktie hi sendung aa tlaak deuh in ka thei, kaa sih bal cang i.

 

Mah vial si rih seh.
Nih zong ka ni kho ti lo.

Mangttha u.

 

Ka click hmanh u