My 2021

Mahti hin 2021 ka lut.

2020 kum ka luh lio nakin ka pawpaang a pan deuh.

CATIAL THIAM MINTHATNAK KA HMU

Kum 25 chung Muko mekazin i ca a ttial mi lak ah uar bik mi laksawng an ka pek.

Hi laksawng ka hmuh hi kaa lungsi ngaite. Achievement pa khat a si.

Facebook ah Bible caang zuh ka tuah i atang i hi kaa zuh.

Lungretheihnak nganpi ka ngeih lio ah a si i thazaang a ka pek ngaite.

Nikum ah, "Na raal cu na hmai ah adir in an dir lai lo" ti ka rak izuh cang. A rak hmaan bak.

Ka lungretheih cu Bawipa nih a ka laakpiak.

Biakin ah pangpar ka hlu.

Keimah hi ICBC Pangpar Committee ah chairman ka rak si. Nutung pawl ka hruai hna i pangpar ka cinpi hna. Pulpit pangpar hlut ka hrih, mi ka forh hna. An hlut thluahmah. Tutan cu keimah nih ka hlut ve. Nu pawl nih, "U Hlun pangpar hlut" tiah an ka sunhlawihpiak i hmaan an ka thlaakpiak (an ka dawt ning cu, an mui dawh he).

University of Illinois at Urbana-Champaign ka tlawng, ka siangin hlun te.

April (ka chuah thla) ah hmaan kaa thla. Kum 50 lonh i sam nah dih zong lih a si ka ti i ka siningte'n kaa thla. Ka kumkhua ning in ka muisam a cuang rua ka ti. (Bilte, kum 6 nih a ka thlak.)

Kawlram ah buaipi a tho. Cu kong ah mibu ruahning le kei ka ruahning aa dang tuk. Ka hmuhning ka ttial pah ttheu (ttial ngam a ti tuk lo na'n). Ka ttial mi:

MAN KA CO

Ka tu Tin Thiam Zi va a ngei i nulei bialamkal ka si i, man an ka coh lo nain keimahte nih kaa hauh hna i an ka coh. "Awm man" ka ti, a man min ah. Ka awm hna man a si.

RUAK KA HUM

A ka tlaihchan tuk mi ka hawikom Rev. Dr. Hai Vung Lian a thi.

Hika hi hmeh ah hlanlio kan hmanthlak an um.

Graduation lawmh lio, Bawi Ci nu te inn ah.

CBCUSA Board of Trustees Meeting.

Bawipa Zanriah a phawt lio i ka chuahtak mi pasatorpa. :) Hawi hlan ah ka din dih i ka chuak ko.

Hakha khua tlangval le ngaknu (US i siangin a ra kai mi) an ka leng i kaa lawm ngaite. Buar tuk i zung ka kai ni celngel te ah a si.

Tukum ka thathut cu zei hmanh nih a tluk lai lo. Exercise oi khat hmanh ka tuah lo ta! Voksa tu cu athau vo kua!

KA NGANDAM NAK

Nikum tluk hrawng ka si. Si-in ka kal lo ti awk a si, regular check up hmanh ka kal set lo. Ka mit zong aa rel deuh. Ka ha belte sibawite nih kan thianh e an ti nak ah an kuai dih i rawl khai kaa harh. Cu ruang ah (1) ka thisa a zor deuh (2) ka rawlei a sau (3) rawl nganh ka hmang pah (rawl ka ngaan kel lo na'n). Ka khing 153 lbs hrawng a si. Ka cholesterol oi hnih an ka tah i 176 le 198 an si. Khuasik ah tikik in kaa kholh rih.

Illinois in ka tule an ka tlawng.

Vawleicung minung 7 billion ah mah pa pa thum hi ka duh bik hna.

My angels.

CBCUSA Board of Directors Meeting ka kai, Washington DC ah.

Mi nih an rak ka dawt tuk hita ti hi nikum le tukum ah ka fiang bik.

HLA KA NGAIH MI AH LUNGTAANG

1. Thuva Nunnem

2. Yellow Rose

3. I Told You So

Ka Robawm ka hramh rih. Bia le hla ttha ttha ka thlah. Hmanthlak dawhdawh ka taar.

KA TUM HMUN SUNG KA TLAWNG

(Atang ah hmanthlak tampi)

Phung ka chim

Salt Lake Chin Baptist Church, Utah.

THLARAULEI

Mah kum hi thlaraulei ah kaa hlam ngaingai. Zumhnaklei ah cun "I'm not half tha man I used to be" khan ka si. Zarhpi pumh cu kaa puum (zarhpi pumh lawng a um ve). Thlacam nun tehna, pek nun tehna, cu hlaatpi ah an um. Atheist cattial ka rel tuk i, tluk cang awk hmanh ka si leh. Mah bu i ka zumhnak ka thlau lo cu ka zumhnak a rak fek bak ka ti.

ICBC ah thla ka cam i video nih a ka thlak ti ruat bu in ka cam i ka cam mi hmanh ka hngal set lo. Oi dang ah cun caan ka hman ah video ka phihter hmasa tawn hna nain tutan cu an hmai ka khaap hna lo. Video thlak cu ka ttih bak ko. Video i ka cuan oi khat nak a si lai. Hika hi hmet hmanh u.

PUBLICATION

Tukum hi ca ka ttial lo ngaingai. Muko mekazin ah cabia pa thum ka ttial. Facebook ah tlawmte.

1. Kan Ding Maw (Muko, March 2021)

2. Krifa Hlabu hi Remh Rih A Hau (Muko, September 2021)

3. English--Mahte In Tan A Hau (Muko, December 2021)

4. Zumh Lo A Poi Ning (Facebook)

Wedding ka kal pah lengmang.

NGAIHCHIAT NAK

Ka chuahpi far le ka u fanu hnuk khensar an ngei i kan ngaih a chia.

2021 kum chung ah Covid-19 in Kawlram ah minung tampi an thi. Pastor lawngte hmanh 170 tluk an thi an ti. Ka mi sianlo zong an si. Cu lak ah; Clifford Van Thang, Pu Stephen Ni Kio, ka nu Sui Ki nu, le Pu Sui Mawng, zong an itel; kan mi fang khat Herh Lian zong.

Caan caan khat

Kuria an si lo. Ka tule an si. Ta-far rual an pa hi ka ni nih a hrin. Hmaan kan ithlatti bal lo i ka telh theng hna.

Kaa bochan tuk mi ka tupa kum 12 tlin ka lawm. Fim, tthawn, nunnem, midawt a kemh dih. Mawttaw minung 15-phor kha a duh in a mongh khawh.

Mahhna unau an idawt ning cu, ka mitthli a ha.

Yellowstone in angki ka phorh hna i a min ah "Fungtuum angki" kan sak.

Krismas

Kum ka chuak! Hallelujah!

VACATION KA KAL NAK

USA ka phanh hlan in US ram chung i hmuh ka duh mi an rak um. Phanh zong ka phaan pah dih cang hna. Ka sia a herh zungzal bik lehtuk ka phaan bal lo i tukum cu kaa tim. Mah hmun thum ka phanh ah cun ka duh a tling cang lai ka ti mi hmun thum cu ka tlawng--Grand Canyon, Sedona, le Yellowstone--vawleicung minthang lawngte. Mah hmun thum ka tlawn cun ka lung a dai cang. Tlawn siaherh ka ngei ti lo.

Grand Canyon kal ka duh nak hi 1984 hrawng khan a si cang. Geology kan cawnnak tuk i.

Grand Canyon Plateau (over 5000 feet above sea level)

Williams khua, October 18.

Pastor Stephen Tha Kam Cung le an Mino hruaitu he kan si.

Geology field trip kal in ka kal ta, sobul lo in.

Grand Canyon nitlak lio hi kal hnawhchan cio mi a si. Kei zong mah cu ka riahhnawh. Whisky kaa ken i ka ding huarmaar, khua dawh zoh pah in.

Bye bye, Grand Canyon!

Island State Park

-

Cho kai ka rak tthawng pah ko na'n kai bal ti lo ah cun phei tha a tthawng ti lo eei!

Lung ka tlawng tiawk a si ko, tutan cu.

Sedona hi ka thla a kal i ka lung a leen tuk cia nak a si.

Sedona hi Spiritual Place an ti. Thlarau Hmunpi tinak a si. New Age ti mi biaknak thar pawl hmunpi a si i, biaknak phunphun nih yoga le meditation an ra tuah. Khua hme nuam a si.

Arizona aa hngalh nak cu thihling kung khi an si.

Utah State

Ngakchia Sarah hi a aw a ttha tuk i, "I Told You So" a sak ka theih mi ka hnathlam ah a cuang.

Idaho Falls at Snake River

An nu nih, "Ka tta, na ka hngal maw?" a ka ti.

Mah Yellowstone tiva hrawn i kan kal lio hi kaa nuam bik. It's so blissful.

Yellowstone ka phaan taktak ai, ka thla a ngam tuk nak.

Mah tili hi cu ka ttih bak ko. A khuachia bawi um nak taktak phun ah ka ruah i ka thla nih a ttih. Hmanthlak ah cun a tili a lang hi. Ataktak ah cun a lang lo, tikhu nih a phenh dih. A ti hi ti tlok tluk dengmang in a sa an ti. Atang i hi van in an thlak mi hmanthlak a si.

Yellowstone hi meitlang bul a si cuh!

Old Faithful ti mi tikhawt kan hngah lio a si. Vawleicung khuaza in an rathnawh mi geyser a si. Tha tuk in aa khawt i kan ton a ttha. Pe 73 sang aa khawt tiah ka ruahdamh.

Pastor Chan Mawng le Pastor Van Ham he kan si. Thli a kik ngaingai. Mah kan tthut lio ah hin whiskey ka ding pah i dahkaw an hngalh lo cu, pasator an leet lo ning cu!

Yellowstone cu ka ngai ko lai.

Ka chap te lai.