|
Pathian veel a dongh lo ca ah amah biak a dong lo. Atu
tan Rungcin Zingbiak tuah ka lung a thawh khun nak cu, kanmah tehna
hawihna Pathian pi i, "ka hawile" a kan ti ve ruang ah hin a si. A nuam
bak. A lawmh nak ah hika hi
von click ta usi. Mah hla hi George G. Small i 1863 hla bia a si. Hosea 11:4
i "I led them with human kindness, with cord of love" aa ti mi cherhchan i
an phan mi si dawh a si. Zisuh he aa kom cang mi cu hawi-ttha-ngei an si
i, "A ta ka si, ka ta a si, zungzal in zungzal tiang" ti in lunglawm le
hnangam in an um. Aziah tiah, ngatlai pawl, "hawinaule" (Jn 21:5) a rak ti hna bang in, zeizong uktu nih cun, "Ka
hawile" tiah a ti cang hna (Jn 15:15). A ne ah a bia kan hmuh te lai.
Zisuh cu nu hrin vialte lak i lianngan bik cem a si ko bu ah mi nauta
hmanh i komh ngam awk in a um i, zohchuk mi pawl sin ah hawikom sin
khuasak in khua a sa [Far Men hla]. "A hawile" cu a kan thihhnawh i a kan
chanh. Cathiang nih Rom 5:10 ah "For since we were restored to friendship
with God by the death of his Son while we were still his enemies, we will
certainly be delivered from eternal punishment by his life" a ti (NLT).
Mah bia nih cun misual beidong zong a lawmhter hna. Cu, misual i an "hawi", cu Cungnungbik
Pathian a si i, vantthat ah, cu Pathian zumhtlak nih cun Zakop bia a rak kamh bantuk in bia a kamh hna. [Cunglei i Refresh button khi hon hmet ta.]
Nan ttuak a par tiang ka'n zohkhenh hna
lai,
Keimah nih ka'n ser hna, i ka'n zohkhenh hna lai.
Ka'n bawmh
hna lai i ka'n chuah hna lai.
Isiah
46:4
Bawipa lo cun, hi!
Pathian hrimhrim nih cun pumsa i hi vawleicung i a um lio
ah, a hawile cu thinphang lo ding in hnangam nak bia a chimh in a kamh
cikcek hna. "Ngakttah in ka'n chia hna lai lo e, atu i ka kal hnek cu nan
ca i hmun ka hong remh chung hnek bia a si e, ka rung tthan ko lai e,
khuaruahhar lungrethei in um hlah u law, ka zum ko u law...tiah assurance
a pektak cikcek hna. Hi ca hi hla a dih tiang rel hmanh u.
 Mah na cun, 'aziah dah kei hi tukforh le ngaihchiat ka ton khun
hnga, mi vial khua-awng an tong' ti i tha a chia mi hi an rak um cio rua.
Tamh lo te'n ing rih ko law zumhtlakte tu in na thih tiang um ko law [Bia
2:10] a kan ti i, hlathiam zong nih, atu i na ton mi hi cu ahnu ah na
hngalhthiam te ko lai e ti in an kan hnemh. Hika
hi von click u law a hla hi von ngai hmanh u. Chan ttiam lo hlasa minthang
Dolly Parton le Linda Ronstadt le Emmylou Harris i trio an sak mi a si. A
hla bia hika ah a um. Dawtnak langhter lengmang lo ah cun dawt lo
ah iruah a fawi i, dawt lo i aa ruat mi ca ah cun lawmhnak taktak a um kho
lo. Mi zawnruahnak le mi cung i dawtnak langhter a biapit ning hi atu hla
i kan theih bang hin, pakhatpa aa fiang cikcek ve i tehte a khaan leen. A
tehte khaan mi cu hika ah hin a um ko.
Hawikom nih cun zeitik poh ah
dawt zungzal a si. (Pthluk 17:17)
[Music link na hmeh hnu poh ah
cunglei i Refresh button khi hmet law
zuk cheukhat an cawl tthan
lai.]
A si ah, mizei khi dah 'hawikom' ah rel khawh an
si?
Hika hi click law ruat hmanh.
"Friends in
Christ are friends forever."
|
click
Sermon
Hawikom Ttha
1 Samuel 18:1-4
Sawl he bia an iruah dih in, David cu siangpahrang fa
Jonathan sin a kal.
An karlak ah dawtnak hri aa sih colh i
hawikom ttha bik ah an cang.
Mah ni ri cun Jonathan nih cun David
cu siangpahrang ruun ah
a caamter i inn ah a ttinter ti lo.
Na
hawi ka si lai e tiah David cu bia fek a kamh,
i ralthuam le puan
le vainam le li le a taisawm in kawi ah a tlaih.
Ihawikomhnak (friendship) a
kan serh tu hi Pathian a si. Hawikom ttha a kan pe tu zong Pathian a
si. Hawikom ngeih cu thluachuah co a si. [Pathian i hawikom ttha bik a'n pek mi hngalh na duh ah cun
hi maivan tawne i min khi click te, audio sermon na ngaih dih
in.]
Hawikom pa zeizat dah na ngeih tiah in hal hna ning
law, tam nawn nan chim cio hnga dah. Hawikom cio ah nan hei rel dih
ko hna hnga. Asina'n, hawikom na ti mi mah vialte lak ah pa zeizat
nih dah an in hngalh--na thinlung le na ruahnak--tiah in hal rih hna
ning law, hawikom cazin i na chiah mi cu an zor rup ko hnga dah ka
ti. Hawikom ttha cu an sunghar taktak.
Hawikom tak le hawikom ttha si nak ah zei dah a
herh? Ikomh kong ah hin cun David le Jonathan an ikomh ning tluk
izohchunh awk a tlak mi a um lai lo. Chimhramh a si. 1 Samuel 20 ah
khan a um. [hear
it]
An ikomh ning ah ruah awk tlak pa li an um.
Apakhatnak ah, an iupat veve. Iupat hi atu chan ah cun a lo zuahmah.
Tla-ngalngal i um le zei i irel lo tehna, ninghngal tehna a tam cang
i mi upat khom kan iharh chin lengmang cang. Asinain, iupat lo ah
cun ihawikomh peng a har taktak ve. Upat mi he lawng tluangte'n
ikomh khawh a si.
Apahnihnak ah, an izum tuk veve. A ka hlawt sual
lai, a ka hlen sual lai ti i ilunghrinh nak an ngei lo. Tetsa
an ngei tuk. Jonathan zumh awk tlak a si nak cu, a pa i David a raal
ah hin, a pa biathli le mit-au vialte David a chimh dih. Kan Bawipa
zong nih mahti cun a kan komh ning cu a langhter. "Ka pa sin i ka
theih mi biathli vialte ka'n chimh dih cang hna ca ah, nannih cu ka
hawile nan si" a kan ti. Biathli ichimh hi lungtak i ikomh a langh
nak a si. Hawikom biathli phuanpiak lo hi zumhtlak sinak langhter
nak a si ve.
Apathumnak ah, David le Jonathan hi an thinlung
(emotion) taktak in an idaw. Voikhat hawihna cu a pa i David a ti
ning kong i David a ngaih a chiatpi tuk ah Jonathan cu rawl hmanh a
ei lo (20:31-34). Aa daw taktak khi an si. Atu chan i pa le pa
horduhcuai phun zong an si lo. Pathian i dawtnak a pek hna mi in an
idaw i an ikom.
Palinak cu, an ihumzual ning hi a si. David cung i
Jonathan tetsa a ngeih ning cu, a pa i David thah a timh ah
hin rumro in David cu a humzual. A ttanh. A chanh. Khua tthat chel
lawng i aa ttanh phun zong an si lo. Ihawikomh rawk lo ding te'n an
lungput an sersiam (23:15-17). Jonathan nih amah le David kar ah an
ihawikomh nak a hrawk kho ding zei thil hmanh tlunter a duh lo. A
kham. Kannih, ttanh mi le biakin idan lecangka a rawk colh mi
ihawikomhnak bantuk men in an ikom lo.
Na hawi ttha bik i na ruah mi he nan ikomh ning kha
ngia hmanh. Nan iupat veve maw? Tetsa nan ngei veve maw? Nan
izum veve maw? Nan thla nan izah veve maw? Thinlung tak in nan idaw
maw? Nan ingamh veve maw? Biathli nan ichim ngam maw? Nan isi ngam
maw? Nan ingaihchiatpi maw? Lawmh nan ton ah nan ilawmhpi taktak
maw? 'Hawi ttha' aa ti kho ding ah zei dah chim awk nan ngeih?
An chim ttheu mi ah, "Na upat hi na kum in rel
hlah, na hawikom ngeih zat in rel" an ti. Hawi thar kawl law hawi
hlun philh hlah ti zong an kan ti. Lai phungthluk ah unau ttha le
liangdan ttha ti a si. Hawikom ttha cu sui le ngun an si.
|
Thla
Bawipa, na hawi ah
na kan ser i kan ilawm.
Hawikom na kan pek ca ah kan
ilawm.
Jonathan bang hawikom ttha kan si nakhnga,
Kan
thinlung le kan ziaza kan sersiampi.
| |
[Refresh]
Hawikom a
ngei mi cu komh nuam in a nun awk a si.
Unau nak i mi a tlaihchan deuh
mi hawikom an um ko.
Pthluk 18:24
"True
friendship is like sound health;
the value of it is seldom known until
it be lost."
- Charles Caleb Colton
Hawikom he hin itthen khawh a si. Hawikom tthing he
itthen (ikomh ti lo) cu tuarh a har ngaingai mi a si. Kanmah i kan hlawt
hna zong ah kan tuar. Anmah i an kan hlawt ah cun chim awk a um ti lo.
Tingtang ngeih tthing khuai sual bantuk a si. Mi zong mahti cun an si cio.
Minung cu zia le thin-ai he a um mi kan si ca ah, hawikom zong cu itthen a
si ttheu. Asinain, atu Dolly Parton i hla i a sak cuahmah bang in, thin
hon ruang i itthen zong ah dawtnak cu a dong taktak lem lo an ti. A poi
ttheu mi cu, 'a ka daw/kom ti rua lo' ti i ruah i mithmai ttha ipek veve
ti lo tu nih khin aa peh tthan kho mi ihawikomhnak cu a dan ttheu hna.
Pakhat i lam von sial ah cun dawtnak ti a luang tthan kho ding a si tawn
ko rua (It's important that one breaks the ice). Cuca ah, thinhon lio i
bia chia chim zong isum rih ding a si an ti hen cu. Hika
hi click u law an chim mi hi rel hna hmanh u [a topic khi click hna u].
[Refresh tthan ta]
Mikomh cu ui sin ah
cawng.
click on the picture
Atu cu achim chim mi sermon ngai rih usi. Hawikom
Ttha ti phungchim a si [a chim tu ka hngal ti
lo]. Nga hi click u law ngai ko u. Nga ngan-u nan click ah cun MP3
file a chuak lai. 3 MB fai a si i a download chung 56 K modem in minit 8
hrawng a rau lai. Nga hme-u nan click ah cun WAV file 1.6 MB hrawng a
chuak lai. A quality a chia deuh ve. Minit 28 chung aa chim, duhsah in.
Stream awk zong in a um na'n nan tlau sual ai lai tiah hngah hau phun tu
in ka'n kuat ko hna.
Tutan kan Rungcin Zingbiak cu mah vial hi a si rih lai.
Caan sau nawn kaa rauh mi a si i, santlai um pingpang ai kun, lawmh le
thangtthat cu Cungnungbik Pathian nih co te seh. A khar nak ah Baibal
caang khat te ka von taar taak lai.
|
Ka nawlbia cu hihi a si: keimah i
kan dawt hna bantukin pakhat le pakhat i daw u. Mi nih a hawile caah
a nunnak a pekmi dawtnak nakin dawtnak ngan deuh a ngeimi aho hmanh
an um lo. Ka nawl pekmi nan tuah ahcun ka hawile nan si. Mi-tthi kan
ti ti hna lo, zeitin tiah mitthi nih cun a bawipa tuahmi a hngal lo;
asinain hawikom kan ti cang hna, zeitin tiah ka Pa sinin ka theihmi
paoh cu nan sinah ka langhter cang. Johan 15:12-15 |
Mangttha
u
Cinte
|
